全城熱爆的娛樂八封新聞 & 時事趣聞 & 生活 + 趣聞
喺西班牙品牌 Stuart Weitzman睇鞋，不過冇收穫。
不經不覺，上山詩鈉囡囡 Hilary已經 18歲，仲愈大愈靚女，早排幫 uncle沈嘉偉旗下嘅年青人品牌 izzue、 venilla等做 model拍平面廣告，效果相當唔錯。
囡囡青出於藍，就快 51歲嘅上山詩鈉，打扮亦愈老愈青春。早個禮拜，《壹》仔見到長身牛仔恤衫襯短 boots騷長腿嘅上山，同朋友夜行中環 ifc。購物樂前，上山同朋友先到四樓平台花園煲支煙，上夠電，再開 turbo巡鋪，其中一站係 ZARA，上山睇嚟睇去都係牛仔裙。買衫品味咁 young，兩母女，隨時可以交換著喎！
囡囡 Hilary剛滿十八歲，近年兩母女經常孖公仔扮靚去 ball場。
再戰連卡佛，上山主力四吋斗零踭。
喺 ZARA睇牛仔裙，款式夠長青，又可以同囡囡交換著。
購物前，上山同朋友行去 ifc平台扯煙，更以煙盒載煙灰，有公德。
