掃呢頁CODE去手機

2015年5月14日 星期四

復牌 搞骨灰龕發咗 尹揚明癮起 [壹週刊 - 1314] M1,



探熱針

復牌 搞骨灰龕發咗 尹揚明癮起

○五年淡出娛樂圈後,尹揚明跟隨胞兄經營殯儀業,並早觸先機全力發展骨灰龕,入股位於屯門青山村的佛緣精舍,短短幾年,發過豬頭。除了發死人財,尹揚明還在港澳兩地開餐廳,生意上晒軌道,近年終於癮起,抽閒客串拍戲過吓癮!

阿哥賣棺材

出道以來,尹揚明多在電影中飾演黑社會角色,當中包括在《古惑仔》系列中的韓賓、十三妹吳君如老公一角。港片在九六年開始走下坡,機會大不如前,○五年,尹揚明決定轉行。

「佢拍戲都搵到錢,又喺無綫拍過劇有人識,但到咗○四年,直情冇人搵,佢要養家搵食,所以跟咗佢阿哥做殯儀,佢大佬喺紅磡有晒地鋪賣棺材,死人生意,冇得輸!」尹揚明身邊人說。

哥哥紅磡開棺材鋪。

屯門青山村佛緣精舍。

入股私人骨灰龕場

有生意頭腦的尹揚明,睇準骨灰龕市場供不應求,於是全力搞骨灰龕。

「佢轉行做咗兩年,就同佢大佬話要瞓身發展骨灰龕,○七年仲入股佛緣管理有限公司喺屯門青山村嘅佛緣精舍,做咗咁多年,賺唔少!佢有唔少內地客,所以成日會返大陸傾生意,唔係齋做香港。」

清減了的尹揚明,最近為電影《壹獄壹世界:高登闊少踎監日記》客串一角,戲中與智叔、林雪、張建聲、王宗堯及 Baby John等齊做監躉。

除了客串電影外,尹揚明早前與莊思敏、趙勁浩等人合作港台劇集《監警有道》。

熱愛踢足球的尹揚明,泊車後便換上波衫,在歌詩舞街足球場與友人踢波。

港澳開餐廳

除了發死人財,五十七歲的尹揚明去年底還投資開日式餐廳。「唔好睇馬騮(尹揚明暱稱)粗粗魯魯咁,佢好鍾意煮嘢請朋友食,十年前已經喺澳門投資小飛象葡國餐廳,上年再掟咗二百萬喺深水埗搞日本嘢。見生意上晒軌道,時間多咗,佢都開始出番嚟拍戲,過吓癮。」知情者說。幫香港電台拍《監警有道》外,又客串電影《壹獄壹世界:高登闊少踎監日記》,尹揚明重新入市。

尹揚明去年投資二百萬開日本餐廳,開張當天,圈內好友如錢小豪夫婦、魯芬、邵音音、白彪、詹秉熙及艾威等人到場支持。

早前,本刊見到尹揚明在旺角區出現。

踢完波後,尹揚明揸車到深水埗自己開的日本餐廳開餐,然後再返沙田寓所。

尹揚明曾拍過劇集《馬場大亨》,現實生活中,他亦愛賭馬仔,上月更在馬場與朋友一齊拉頭馬。

同期熟男

跟尹揚明差不多時間出道的熟男,大多已經轉行營商,就算偶然參與幕前演出,也只是玩票性質。

九十年代專做黑幫人物的張耀揚, 06年踩單車受傷要全面休息後,一度被指由密友蔡一傑照顧,兩年多前,張耀揚轉戰澳門,在賭廳做疊碼仔,去年爆出在北京藏毒被捕,至今鮮有在公眾場合露面。

詹秉熙

與梁朝偉同期的詹秉熙,當年有翻版劉德華之稱,第一次拍劇已經夥拍張曼玉做男一,其後因唔聽話被大台雪藏,及後過檔亞視;近年偶然在香港客串拍劇的他,多年前投資娛樂公司返內地搞騷做製作,更是福建省政治協商會議委員。

鍾意就快D Share啦!