林青霞同霍震寰老婆陳琪琪（戴帽）都係台灣幫，特別啱傾。
同你吟一吟
林青霞霍陳琪琪同聲同氣
男人有摸酒杯底甚至約埋去滾嘅 C6團，女人亦總有幾個雀腳，又或者有事冇事可以坐低八幾粒鐘嘅 C9閨密。林青霞身邊，閨密隊長一定係狄龍老婆陶敏明，每次見到青霞，佢一定喺左近。
早排兩姊妹喺 ifc嘅 Le Salon De The de Joel Robuchon歎米芝蓮星級下午茶，但今 round多咗三個 C9團員，其中一個，係老公孭住單家族爭產官司喺身嘅霍震寰老婆陳琪琪。係邵氏年代女星嘅霍太，同青霞都係台灣人，同聲同氣，坐埋一枱，合理。
五個 C9，吱吱噚玩吓電話， hea咗個幾鐘。好衰唔衰，林青霞忽然發現《壹》仔，跟住眉頭一皺，第一時間戴番副超。
《壹》仔掟彎後排攻擊，林青霞以為安全除低副超，點知轉頭又見《壹》仔返回原位，搞到大美人又除又戴。歎茶都咁忙，反正夠籌，《壹》仔決定唔再同青霞捉 E因，走先！
|
鍾意就快D Share啦！
|
|
|
