Miki郭永淳 終於見得光 [壹週刊 - 1314] Miki,郭永淳,楊愛瑾,M1,

同你吟一吟

Miki郭永淳　終於見得光

今年二月，永安太子爺郭永淳同 Miki楊愛瑾北歐遊兼慶祝女友 30歲生日，之後就傳出二人喺冰島結咗婚，事後新娘子話自己未攞正牌做郭太，男友只係求咗婚，佢仲係楊小姐。

點都好，戲肉唔係 Miki係郭太定楊小姐，反而係郭永淳前妻 Constance伍智恒，由永遠唔會原諒狐狸精，變成「祝福他們永遠幸福」，大團圓結局。

前妻終於放手！郭永淳同 Miki亦由黑夜走到陽光。上星期日（五月三日），兩人約埋餅碎 Angela仲有兩男一女朋友，一車人操去大坑開餐。

知道俾《壹》仔「隊」住， Miki同郭永淳雖然冇拖手搭膊攬腰，但照樣一齊坐一齊行。

拍拖八年，先苦後甜嘅 Miki同郭永淳，更加珍惜眼前人！

日光日白一齊出街，唔再前後腳，收收埋埋。

餅女之中，除咗 Kary， Miki同 Angela亦好好感情，三個人亦經常約埋出埠度假。

開餐黐住坐， Miki同郭永淳即使唔係二人世界，都好開心。

一車五個人， Miki同朋友逼埋後面，郭永淳坐前面乘客位。

前夫傳出再婚消息， Constance喺微博留言祝福，仲話前夫就算唔係 Miki，亦會為另一個女人離開佢，曲線證明 Miki唔係第三者。

鍾意就快D Share啦！

下一篇 》