掃呢頁CODE去手機

2015年7月7日 星期二

朱慧敏慘被杯葛? 「馬太」林漪娸埋唔到堆 林漪娸,林漪,朱慧敏,



【二人獨家村】朱慧敏慘被杯葛? 「馬太」林漪娸埋唔到堆

2015-07-07 13:50:00



《愛‧回家》呢套劇名就夠晒warm喇!之不過,唔係個個都夾得嚟,好似演馬壯女友「Alex」嘅朱慧敏,同馬壯喺劇中拍拖3年,但佢哋就拍出「火花」,係怒火嗰隻,據知,因為朱慧敏做事比較認真mode,正所謂「認真便輸了」,搞到一向hea底嘅馬壯唔多鍾意佢,仲拉大隊搵演律師樓職員嘅藝人開飯,擺明係分邊啲係自己友,疑出手杯葛朱慧敏。

今日有周刊爆《愛‧回家》分黨分派,有「80後」以馬子妮、馬子仁為首嘅後生派相處就最融洽,而最大「幫派」就係以馬壯帶頭嘅律師幫,盛傳佢唔滿意朱慧敏做到出嚟面!

據知,唔止佢哋呢pair係不和,仲有「馬家」嘅孻姑郭少芸同「馬師奶」林漪娸,早前已傳孻姑郭少芸化妝後,留底咗個手袋,馬師奶林漪娸想畀番佢,郭少芸即寸佢博friend,據知係因為林漪娸似住自己同曾勵珍好老友,試過私自改動拍攝時間遷就自己,令郭少芸不滿,不時喺片場對佢單打,林漪娸開工更一個人食飯。

但你唔妥人,人亦唔妥你,原來同劇吳家樂又唔妥郭少芸,有傳吳家樂揚言,如果繼續同郭少芸拍,疑情願唔再拍,最終將佢同郭少芸嘅感情線拆走,而硬插型男黃德斌入「家」。

鍾意就快D Share啦!