2015年7月7日 星期二

朱慧敏變孤獨精 馬壯:連自己打X機都唔識 朱慧敏,



【做愛‧回家冇愛】朱慧敏變孤獨精 馬壯:連自己打X機都唔識

2015-07-07 12:00:00



(無綫電視截圖)

大台長命劇《愛‧回家》上周播晒804集,跟手就換晒班底,好唔好睇就唔知,不過,今日有周刊指,原本被消失嘅「Alex」朱慧敏,喺所謂嘅「大結局」喺片尾出現過兩分鐘,由主角淪為「茄喱啡」,連對白都冇,只係喺電車站對望就完,據知,朱慧敏同「馬壯」黎諾懿喺劇中拍足三年拖,對手戲又最多,鏡頭前好似冇咩嘢,私底下似乎一啲都唔friend,屢傳不和。

據報道表示,朱慧敏同黎諾懿上年拍一場律師樓廠戲,朱慧敏想黎諾懿畀句對白佢入戲,點知黎諾懿即寸爆朱慧敏,講咗句「做咗咁多年戲,連自己打X機都唔識咩」,令成場演員及幕後聽到O嘴,搞到朱慧敏好尷尬同好唔開心,據知朱慧敏一向對工作要求高及好認真,面對hea hea地開工嘅黎諾懿,就被唔多夾得嚟,更有傳黎諾懿玩杯葛,本來同劇嘅李霖恩及張達倫係朱慧敏啲朋友,點知因為佢哋同黎諾懿及演律師樓成員嘅人埋咗堆,先慢慢疏遠朱慧敏,仲聯手排擠對方。

另外,周刊又指,長命劇監製徐遇安三年前係想搵高Ling(高海寧)演「Alex」呢個角色,未知係唔係檔期問題,定係戲劇總監曾勵珍唔准,最後先由朱慧敏頂上。周刊亦曾問過演「嚴謹」嘅張達倫,佢就似乎幫住老友黎諾懿,話對方唔會咁講,畀尾句係「自動波」,唔畀佢哋會畀導演鬧,又話自己同黎諾懿好friend,同朱慧敏就普通,覺得大家係大人,唔會玩排擠。



你眼…



望我眼…



完!



原本同劇嘅李霖恩及張達倫係朱慧敏朋友,o依家…



原本係高Ling做「Alex」。

鍾意就快D Share啦!