2015年9月25日 星期五

曉明Baby喜帖曝光 以「ah」為縮寫 曉明,Angelababy,Baby,黃曉明,



Angelababy(楊穎)與黃曉明早前結束6年愛情長跑,已領結婚證,近排忙於籌備下月喺上海舉行嘅婚宴,筵開約200席,邀請2千多個賓客見證佢哋嘅幸福,唔少fans都想知佢哋喺婚禮將邀請咩嘉賓,又會用咩形式進行,Baby婚紗風格會係點?

今日有內地報道貼出曉明同Baby嘅喜帖以「ah」為縮寫,婚禮將於10月8日喺上海展覽中心舉行,喜帖上印有曉明同Baby嘅剪影,更寫上「我們是同一顆心上的一對翅膀,不管身在何方,風起時,我們都會一起飛翔。」認真甜到漏!

另外,Baby噚日喺Instagram忽然晒出巨型鑽戒,見Baby戴喺左手嘅中指,估計係求婚戒指,唔少網民都話好大、好漂亮,問Baby隻鑽戒係唔係曉明送,相中所見,Baby嘅巨鑽中間係一粒梨形主石,鑽戒外形似足皇冠,完全係Baby行開嘅公主feel,再講Baby亦都冇打tag多謝贊助,更加肯定係曉明送畀佢㗎喇!

據內地報道講,呢隻鑽戒係法國牌子Chaumet,型號名叫Josephine,鑲咗1顆5.53卡嘅梨形DIF級美鑽,仲用咗73顆鑽石做襯石,寓意代表至深不渝嘅愛情,據知,巨鑽價值至少8百幾萬元。

Angelababy與黃曉明。(資料圖片) 喜帖以「ah」為縮寫!(微博圖片) 婚禮將於10月8日喺上海展覽中心舉行。(微博圖片)
印有曉明同Baby嘅剪影。(微博圖片) (微博圖片) Baby噚日喺Instagram忽然晒出巨型鑽戒,見Baby戴喺左手嘅中指,估計係曉明送嘅求婚戒指。(Instagram截圖)
鍾意就快D Share啦!
Related Posts Plugin for WordPress, Blogger...