【短片】【娶模特兒女友】陳柏宇下年七月搞旅行結婚：一定喺香港簽紙
2016-03-12 14:29:00 HKT
陳柏宇(Jason)同湯駿業噚晚喺銅鑼灣出席音樂劇祝捷簽名會，已經講咗好多次話求婚同結婚嘅陳柏宇，再次被問到婚期，佢透露話：「下年七月結婚，已經開始籌備，都會有一個旅行結婚，同埋影婚紗相，都知酒會辛苦啲，但係唔會有接新娘嘅環節，預計去旅行結婚係陽光海灘嘅地方，擺酒嗰日未必係簽紙嗰日，到時搵場地睇吓係咪同一日，就算分開都冇所謂，一定會喺香港簽紙。」即係下年佢就同模特兒女友符曉薇拉埋天窗!
Jason透露舞台劇原聲大碟內有自己創作的歌曲，佢話：「作曲都係一年一度，因為自己唔係創作歌手，只係想分享吓心聲。」而湯駿業今次就填咗兩首歌詞，問會唔會加演？佢哋就慨嘆好難搵場地﹕「今次演出都係執死雞，原本想開十幾場，但個期只有7日，仲有諗過加午夜場，好彩最後劇團肯讓畀我哋。」問Jason會唔會對舞台劇加深興趣？佢好坦白話﹕「冇呀，但學識咗好多嘢，今次好玩啲，大家年紀差唔多，更加好玩。(更鍾意做戲？)反而係諗多咗嘢，研究一吓角色，鍾意挑戰自己。」
攝影﹕王連連
來源 source: http://hkm.appledaily.com
|
鍾意就快D Share啦！
|
|
|
