2016年6月17日 星期五

【6年積怨】大台開《溏心3》 死敵楊怡胡定欣同時獻身搲拍 __,定欣,TVB,大台,楊怡,胡定欣,

大台啲劇成日俾人話粗製濫造,成本低,演員面孔無限loop,再唔係就索性買外購劇,慳水又慳力!要洗洗頹氣?惟有落重本拍重頭劇,早排大台就放聲氣,話出年開拍《溏心風暴3》,估唔到套劇都未開拍,兩個宿敵已經出口術搶角色。事緣噚晚(16日)胡杏兒間婚紗公司搞活動,楊怡都有份現身撐場。對於拍《溏心風暴3》,兩個月前同無綫約滿嘅楊怡。就開口獻身話:「監製暫時冇搵我,如果佢搵我,我一定會考慮,始終之前拍過呢套劇 ...




其他影片:>>






大台啲劇成日俾人話粗製濫造,成本低,演員面孔無限loop,再唔係就索性買外購劇,慳水又慳力!要洗洗頹氣?惟有落重本拍重頭劇,早排大台就放聲氣,話出年開拍《溏心風暴3》,估唔到套劇都未開拍,兩個宿敵已經出口術搶角色。事緣噚晚(16日)胡杏兒間婚紗公司搞活動,楊怡都有份現身撐場。對於拍《溏心風暴3》,兩個月前同無綫約滿嘅楊怡。就開口獻身話:「監製暫時冇搵我,如果佢搵我,我一定會考慮,始終之前拍過呢套劇。」對於《溏心3》,冇咗鍾嘉欣、林峯同陳法拉,坊間擔心新劇會面目全非,不過楊怡反而賣口乖話:「唔同人物有唔同新鮮感,如果係原班人馬,反而要做好多驚喜先滿足到觀眾!」雖然楊怡放聲氣向無綫示好,但一心想同對方簽部頭約嘅佢,早排就俾娘家請食檸檬,事關一向數口精嘅無綫,覺得楊怡唔續經理人約,改簽部頭約會冇肉食。如今楊怡話恨拍新劇,睇嚟機會都係一般般!而致命嘅係,縱使楊怡出口術又好,自動獻身都好,同場嘅胡定欣,亦即係上年俾無綫捧到上天攞視后嗰位,都開晒口話如果《溏心3》監製搵自己拍,會無任歡迎。咁……若果你係無綫,你會點揀?嗱嗱嗱!我哋又溫馨回帶一下,仲記唔記得6年前嘅台慶,企喺胡定欣隔籬嘅楊怡,嗰個眼神,嗰個表情……咩叫風水輪流轉?明未?!

攝影:陳慧安 胡定欣着白色!想做《溏心3》角色! 楊怡都係着白色!都係想做《溏心3》角色!!
楊怡個樣…… 楊怡個鼻…… 第1、2集嘅《溏心》,楊怡都有份做!
9年前嘅《溏心1》,收視爆晒燈! 冇咗常在心同唐至欣嘅《溏心3》,唔知變成點? 屋企人唔見晒……

鍾意就快D Share啦!
Related Posts Plugin for WordPress, Blogger...