失蹤近8個月、兩日前突然從內地返港的銅鑼灣書店店長林榮基，下午突然發出採訪通知，傍晚將聯同民主黨立法會議員何俊仁在立法會召開記者會。● 林榮基今日曾與李波見面，李透露有人「係違反自己意願被帶走」，但無具體說明被何人帶走。他又引述李波指「希望盡快結束件事」，而銅鑼灣書店現時由一名「陳先生」續租兩年，但他不清楚有關資金來源。林又指「上面（中央政府）要求佢（李波）辦完公司業務要返上去」。林又指，「如果李波係畀人笠咗上去，好明顯係跨境執法」。● 林榮基指，去年10月24日回深圳時，經羅湖海關找東莞朋友時，被深圳海關拘留，林曾詢問所犯何事，問了一整天亦得不到解答。過機時「閘口停咗，有兩個關員指一指」，再有數名海關職員帶走他，再有約11人帶他到七人車，到深圳廢車場，收起他的證件。一直無人能回答他所犯何事。● 林稱，自己於派出所坐在犯人欄一晚，期間對方有供應膳食，早上七點幾坐車，往中國北方去。他形容當時自己「落曬晒塔（手扣），帶咗眼罩，同鴨舌帽」，他曾拿開眼罩偷看，看見自己正坐火車，足足坐了13至14小時，發現自己被帶往寧波。● 林榮基下火車後，再經45分鐘車程，到達一幢「大建築物」2樓其中一個房間，作身體檢查及更換衣服。有人遞上一張紙著他簽名，紙上有兩個條款，包括「答允放棄通知家人」及「不聘請律師」。林指，當時自己「孤零零一個人，唯有簽紙」。● 對於銅鑼灣書店各人均有拍片，林指，他的片段「有導演有台辭」，他亦照做，因「唔洗食飯呀？」他又指，認為自己無犯事，但片中自己指「深刻知道錯誤」，稱當時「佢叫我承認，我無法唔承認」。● 林在對方盤問期間，稱自己「經營正經書店，根據香港法例正常經營的小書店」，但對方最初指林於香港將禁書帶到內地，違反國內憲法，牴觸中國法律。● 林形容對方在無任何先兆下將他拘留，去年11月至今年3月，自己在不足300呎空間，由2人一組的六組人24小時看守，令他失去自由。林斥中央政府「美其名係監視居住，但我連行出去一步都無，只可以望住個天孤立無援」。反問「咁大嘅中國政府，對一個認為違反中國法例嘅書商，係可以咁樣對待？」要求中央政府對此所出解釋。「你講明一國兩制，公道自在人心」。● 林榮基的女朋友現時在內地被監視居住，林直言「好對唔住我女朋友」，但認為「呢件事唔係我個人嘅事，係香港整個社會人嘅自由訴求，中央政府逼到香港人無路可退」。李波於香港被擄走，是無法接受，故決定開記者會交代事件。● 林榮基稱對方要求將銅鑼灣書店寄書紀錄帶回內地，但他拒絕，他指「無諗過叫李波將個硬件copy上去再放到電腦，叫我認人」，他又指「我怕啲讀者受到影響」，強調自己無出賣讀者，反指中央政府「而家衰到要我拎硬件畀佢做呈堂證明」。● 林指回港兩日，「完全無瞓過，睇返啲視頻，睇到六千個人上街，好大感觸，好感謝」。林又指，「如果我哋唔出聲，香港就無得救，因為呢件事唔係淨係書店嘅事，係觸及香港人嘅底線」。● 林榮基指，至目前都對方都未有向他具體指自己屬哪些團體，但他知道對方「唔係國安、唔係派出所、唔係軍人，而係中央專案組」。對於港府是否有協助他，林指「我唔知港府救過咩人」。● 對於林榮基在簽署文件或拍片時，有否受暗示不服從的後果，林指「唔使暗示㗎喇，嗰啲環境唔簽唔得」。● 林指，中央政府「本來要我今日上去，我當然唔敢上去啦，仲上去？」至於會否擔心自己與李波一樣在港被拘，林指「咁我真係無辦法喇，睇下香港政府有無保障囉」，又指「搵何俊仁仲有保障」。● 被問及香港政府及警方是否有妥善保護港人安全，林指，「對住佢（梁振英）我哋無話可說，做唔到嘢有咩好講」。他又指警方在2014年佔領期間「喺金鐘出催淚彈，學生手無寸鐵」，認為警方不是站在市民一方。當記者詢問政府是不是「做唔到嘢」，林多次回答：「無」。● 林榮基指中央政府現時有銅鑼灣書店讀者訂書紀錄，因「李波copy咗」，當中涉及500至600人，當中以內地人為主；而涉事書籍則有4千多本。● 林榮基希望港人「向強權說不」，稱「我都可以，點解你唔可以」，認為自己土生土長，「唔需要離開香港」。又指自己「有咩好後悔？寄書合法㗎嘛！」● 林榮基稱，現階段並不擔心在港家人安全。● 林榮基指，中央政府將銅鑼灣書店五人毫無聲息帶走，「同charge我地違法經營書店」，但他認為自己佢無違反香港法例，批評五人被帶走違反一國兩制。● 協助林榮基的何俊仁指，北京政府若不想香港作為國際金融中心崩潰，要立即保證收手，「唔好再做呢啲事」。他又指，「如果林榮基喺今日之後突然消失，大家都知點解」。● 林指，自己在監視居住期間，房間內書檯、水龍頭及牆身舖上軟膠，並分發小牙刷予林，牙刷在另一端以繩索綁起，「有人拎住，刷完就收返，怕你自殺」。房間有窗，望出去是類似的房間，估計是其他看守所。一個建築群有20個窗戶，估計有20間房。林曾離開房間，期間被戴上眼罩，他在眼罩邊緣看到附近有「臉盤毛巾」，估計亦有人被囚禁。林又指，期間有兩個北京派出的人，指林是「被專政的人」，林形容被人責罵應接受專制，「我幾乎被佢鬧懵」。● 林稱，自己在房間提審20至30次，出外提審兩次，「有時一星期三、四次，有時幾星期一次」，每次提審長半小時至個多小時；他亦在過程中合作，因當時心情驚惶，「你冇辦法唔合作」。他形容審問者穿便服，並無穿任何制服，「審問者有個姓史嘅對我非常好」。
|
鍾意就快D Share啦！
|
|
|
