2016年12月4日 星期日

生仔論惹圍剿 蘇永康無悔:我頂天立地 __,蘇永康,

蘇永康話佢唔係盲嘅,一段文甫十次,佢喺睇到嘅。現年49歲的歌手蘇永康(阿公)早前宣布太太馮翠珊(Anita)懷孕六個月,公布消息後蘇永康今晚首次現身公開場合,出席宗教晚宴。唔阻止懷孕太太出Trip提到快為人父,阿公表示十分開心,尤其年屆八十高齡的母親,他說:「我媽咪同外母都照顧得我太太好好,我媽咪後生咗唔少,每日騰嚟騰去陪我太太食早餐。(會唔會唔畀太太去外地工幹?)佢就快要飛,阻止唔到,我之前已經 ...




其他影片:>>






蘇永康話佢唔係盲嘅,一段文甫十次,佢喺睇到嘅。

現年49歲的歌手蘇永康(阿公)早前宣布太太馮翠珊(Anita)懷孕六個月,公布消息後蘇永康今晚首次現身公開場合,出席宗教晚宴。

唔阻止懷孕太太出Trip

提到快為人父,阿公表示十分開心,尤其年屆八十高齡的母親,他說:「我媽咪同外母都照顧得我太太好好,我媽咪後生咗唔少,每日騰嚟騰去陪我太太食早餐。(會唔會唔畀太太去外地工幹?)佢就快要飛,阻止唔到,我之前已經阻過佢,唔畀佢飛巴黎,今次飛近啲,我同佢講係最後一次飛,佢遲啲個肚鑼咁大,人哋都唔畀佢入境。(幾時要佢停工?)佢做歐洲公司,個制度好好,特別係對孕婦產假幾足夠。(你自己呢?)我冇,明年四月嘅事遠咗啲,公司會衡量。(你老闆任賢齊話唔會畀工作你做?)佢有咁講過,但屋企多咗個成員,老來得子,因為佢生活冇憂。愛係可以改變一切,我之前離婚後話唔再結婚,但最後再婚,之前都話過唔生小朋友,但都係生,都係基於愛。」

「唔覺意踩到部分網民偶像」

阿公早前指不想將來生個「游梁」出來,而遭網友圍插,他說:「我要感謝我嘅粉絲,我有幾個粉絲網,佢哋好搏命咁刪除言論同Block人,我話唔需要,每個人都有發言權,佢哋可以唔認同我嘅想法,可以企喺梁生嗰邊,係有自由。其實有啲留言都幾好笑,一段文甫十次,我唔係盲,我睇到。(會唔會因為咁而唔開心?)學佛嘅人對所有嘢持寬恕態度,佢哋有佢哋立場,我明白,我唔覺意踩到佢哋偶像,佢哋有佢哋嘅憤怒,我理解,但香港人最終會明白,香港係需要一個和諧嘅社會。(會唔會後悔之前講過嘅說話?)我一生人做嘢冇後悔過,I have no regret,我從來都係頂天立地,錯就要認,打就企定,我唔會帶隊去西環,之後又搭的士走咗,我唔會咁做,否則我將來點樣教仔。」

獲餐廳特別招待

阿公又稱日前遺失銀包,要到不同政府部門補領證件,見到的都是言語上的溫暖支持及笑容,又說:「我尋晚結婚兩周年紀念,打去餐廳訂枱話爆咗,我照留名試吓,對方問我係咪蘇永康,最後開咗貴賓房畀我,仲安排咗蛋糕畀我哋,仲講咗句:『蘇生,你好嘢!』暫時我幸運地未遇過反對嘅人,我相信終有日會遇到。」

無懼再次講惹火言論

至於問到太太有否叫阿公少說話免生事端?他坦言:「無論我做咩事,太太同媽咪都好支持我,蘇家傳統有嗰句講嗰句。(有機會重來,照講同一番說話?)冇錯。(朋友有冇勸你?)冇,冇乜討論過,張衞健打過畀我慰問吓。(啲人再重提以前藏毒事件?)我做得出,我又畀人拉咗,香港同台灣係冇引渡條例,我可以唔返去,但我返咗去,承擔咗法律責任。我最近申請美國簽證,收到對方電話叫我做一個身體檢查,肯定我冇再掂(毒品),結果當然係Negative,我成功攞到簽證。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...