2017年4月15日 星期六

【聽晒老公話】葉翠翠出院心急追女 老公甜笑冧望「小東東」 __,翠翠,葉翠翠,

35歲索媽葉翠翠日前喺養和醫院誕下7磅半重嘅囝囝,今日佢同囝囝由老公周曉東(Raymond)陪同下出院。大約下午兩點,翠翠着咗件乾濕褸,包到冚現身,R ...


35歲索媽葉翠翠日前喺養和醫院誕下7磅半重嘅囝囝,今日佢同囝囝由老公周曉東(Raymond)陪同下出院。大約下午兩點,翠翠着咗件乾濕褸,包到冚現身,Raymond則緊貼其後,一邊單手抱住囝囝一邊講電話,合照時,Raymond兩度親吻翠翠,為免囝囝受閃光燈影響,所以佢哋起初都不願囝囝上鏡,後來記者示意唔用閃光燈,翠翠才肯一家三口合照,而囝囝樣子十分可愛。及後翠翠受訪時,Raymond抱住囝囝先上七人車,一副冧樣坐喺車上不停甜笑。問到囝囝改咗中文名未?翠翠話:「未改,但乳名叫『小東東』,Raymond Junior,乜都要跟晒我老公。」翠翠指現時雖然有餵哺母乳,但小東東都有食奶粉,佢笑住話:「老公當咗BB係佢,餵奶粉嘅時候,佢話我唔識等佢餵,所以我未試過餵奶樽同掃風,有時BB喊,老公又好開心,因為拍兩下BB就唔喊靜咗,如果半夜喊,睇佢仲會唔會咁開心,加上佢話BB好似佢,所以更加鍾意。」翠翠指陪月要待一星期後先可以幫手湊BB,問到老爺奶奶見咗孫仔未?翠翠表示:「未呀,佢哋喺上海,因為BB早咗出世。」翠翠笑指BB提早出世,所有費用都浪費咗,佢話:「本身book咗普通單人房,但佢早咗出世,變咗要住頭等單人房,醫院費用要加碼,原本搵咗師傅擇時辰,嗰啲錢又嘥咗,所以再生的話,自己真係要計清楚,唔好再擺烏龍。」咁即係想再追多個?翠翠直言等到小東東1歲,想追多個女,佢笑住話:「我有個港姐后冠,如果畀個女,佢會keep住,如果畀個仔,佢會畀老婆。」老公有咩獎勵佢?翠翠話:「應該問佢,如果佢肯做晒夜間保母就得喇,已經好好,實質嘅嘢唔使喇。」有好多人話小朋友拎出世紙後就要搵學校,不過翠翠就話:「之前叫咗老公安排,但佢話唔使咁急,所以我交畀佢搞。」翠翠仲表示未知會唔會為小東東搞百日宴。

攝影:仇志德 翠翠着咗件乾濕褸,包到冚現身 翠翠指陪月要待一星期後先可以幫手湊BB
老公鍚鍚

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...