掃呢頁CODE去手機

2017年4月15日 星期六

【助中風兒解困】61歲黃杏秀:我哋會將啲禮金捐俾高飛嘅仔 __,高飛,黃杏秀,

黃杏秀今日61歲生日,佢約埋曾志偉喺跑馬哋嘅賽馬會會所,一齊慶祝生日,到賀嘅圈中人多不勝數,包括佘詩曼、郭少芸、陳法蓉、文頌嫻、錢國偉、王祖藍、莎莎控 ...


黃杏秀今日61歲生日,佢約埋曾志偉喺跑馬哋嘅賽馬會會所,一齊慶祝生日,到賀嘅圈中人多不勝數,包括佘詩曼、郭少芸、陳法蓉、文頌嫻、錢國偉、王祖藍、莎莎控股嘅老闆娘郭羅桂珍、梁靖琪(Toby)、湯盈盈、元彪、吳國敬、羅鈞滿、狄波拉(拉姑)同老公鬍鬚kong、何麗全、顧紀筠、周家怡、袁潔瑩、衛志豪、鍾麗淇、方力申、戚美珍、阮兆祥同女友、麥玲玲同老公、陳庭欣、謝天華等。8時許,黃杏秀就同陳百祥一齊步出會所接受記者訪問,見佢哋都已經飲到面紅紅,阿叻仲好sweet咁錫咗秀姑一啖,阿叻仲大賣口乖咁話:「我呢一生人做得最啱嘅就係娶黃杏秀,好感恩呀!我呢啲人呀,正正常常都唔會出人頭地㗎喇,唯有就搵番個旺夫過囉,你都知我冇乜修養,成個生番咁,全靠黃杏秀我先有今日,幫我安排好晒,所以佢今日嘅生日都要安排好晒,所有嘢由場地、佈置都係我安排,但埋單就係曾志偉。」阿叻就話原本今年就計劃咗去西班牙睇波,幸好就改咗期,佢話:「咁啱曾志偉就攞咗金像獎,個仔(曾國祥)又有機會,又贏咗錢,所以咪一齊搞囉!仲好感恩好多想出埠嘅朋友都唔出住,話玩埋今晚先,聽日先一齊走。」身旁嘅秀姑就話:「好開心,事隔4、5年,再同志偉一齊慶祝生日,同埋今日好有意義,我哋會將啲禮金捐俾高飛嘅仔。」阿叻續說:「因為高飛係明星足球隊嘅成員,86年成立至今,佢都同我哋一齊南征北討,踢過300幾場波,係我哋嘅中堅成員,係我哋嘅好朋友,但佢就離開咗我哋,就覺得想去幫吓手,之前已同阿倫、志偉佢哋傾好咗,除咗今日嘅禮金,捐俾佢屋企人之外呢,遲啲會踢場波嚟籌錢,洪祖杭同余錦基佢哋都一早交咗支票,總之明星足球隊成立至今幫咗咁多人,今次自己會員就更加一定要幫。」


來源 source: http://s.nextmedia.com
鍾意就快D Share啦!