2017年5月15日 星期一

【獨家】Raidas反目解散?黃耀光爆有人藉《傾心》追周慧敏 __,周慧敏,

電影《春嬌救志明》入面,春嬌(楊千嬅飾)同Isabel、Brenda組成MKB48,喺K房唱出80年代組合Raidas嘅經典歌《傳說》,即刻喺網上瘋傳 ...


電影《春嬌救志明》入面,春嬌(楊千嬅 飾)同Isabel、Brenda組成MKB48,喺K房唱出80年代組合Raidas嘅經典歌《傳說》,即刻喺網上瘋傳,《蘋果》日前專訪Raidas嘅主腦、為組合作曲嘅黃耀光(Ken),佢對於電影中有呢首歌:「有份知遇之情,真係多謝。」當年Raidas出道短短兩年、只推出1張EP、2張大碟就解散,係咪阿Ken同主唱嘅陳德彰反面?佢話:「冇反面,呢一段時間都曾經見過幾次面,有心病都應該放開啦,吓話?組合必然有啲意見嘅,咁先會有火花。」佢亦暗示「被解散」而唔開心:「唱片公司覺得《傾心》爆咗出嚟,點解唔做一個solo singer。」《傾心》係咪傳聞所講陳德彰要嚟追周慧敏㗎?佢笑住話:「原意唔係嘅,係偶然之中發生咗啫。咁我哋畀寫詞人若愚(黃凱芹筆名)都係追周慧敏㗎!」訪問中又提到自己曾兩度患上抑鬱症,第一次喺1989年佢話:「因為演藝界寫咗隻歌叫《為自由》,我同蔣志光帶上去北京,後來返落嚟就好低落,嗰陣時唔知咩叫抑鬱症,音樂唔想掂,總然之乜嘢都唔想做、唔想見人。」之係喺1996年,佢遇上金融風暴做咗「樓蟹」:「入不敷支,孭磚頭吖嘛,就係最大嘅問題。有睇法轉變咗,就係喺下半生我唔會再儲蓄財富,而係會儲蓄快樂,咁快樂就最好幫人。」現時阿Ken將多年嚟所讀所學嘅心理學、冥想、瑜伽,運用喺正念(Mindfulness)同靜觀減壓課程(MBSR)上並幫人,咁有冇諗過以Raidas去治癒你的歌迷?佢話:「有一個重聚,其實都係一件幾美好嘅事。」咁即係會唔會重組開騷呢?場地:city oasis

採訪:余燕儀、懷鈺

攝錄:馮峰 Neo

拍攝:沈健程

楊千嬅演嘅春嬌唱翻紅首《傳說》(網上截圖) Ken話Raidas解散有啲唔開心但冇遺撼,仲話o依家少玩結他。
自己玩古琴多。 雲鑼嘅聲音都可以放鬆心情,Ken話《傳說》中有用呢種樂器。 Raidas嘅主音陳德彰,當年唱《傾心》俾女友周慧敏聽,不過唔係專登係遇然。(資料圖片)
Ken爆當時若愚(即黃凱芹)填詞《傾心》,都係追周慧敏。(資料圖片) 1989年《民主歌聲獻中華》活動上,黃耀光(左)同蔣志光上台講述親到北京的感受。(網上截圖) 曾兩度患上抑鬱嘅Ken,以鑽研多年嘅正念瑜伽去幫自己同幫人。呢招空中央瑜伽。
佢仲研究古典瑜伽。 上到山都會做瑜伽。(被訪者提供圖片) 早排Ken帶一班學員去蓮花山上mindfulness課程。(被訪者提供圖片)
識玩好多樂器,又可以音頻療癒,好似呢樣頌缽。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...