2017年6月27日 星期二

指外籍男未婚學界出名 學友幫囡囡戀情拆彈「Love U即係Bye Bye」 __,學友,張學友,

指外籍男未婚 學界出名學友幫囡囡戀情拆彈「LoveU即係ByeBye」娛樂要聞女兒是父親的前世情人,不過今世父親必定要放手。張學友的16歲大女瑤華情竇 ...


指外籍男未婚 學界出名

學友幫囡囡戀情拆彈「Love U即係Bye Bye」

娛樂要聞

女兒是父親的前世情人,不過今世父親必定要放手。張學友的16歲大女瑤華情竇初開,與外籍靚仔Mathis在網上以「I love u so much」及「I love u more」互相放閃,男方更自稱「已婚」。學友昨現身香港機場,主動解釋事件,透露男方只是17、18歲的學生,他又謂年輕人的文化「講love u好似講bye bye咁」,他笑言十多年後劉德華囡囡都可能有類似問題。



學友昨早由內地返港,為大女Zoe攬實外籍靚仔Mathis合照及示愛解畫。

現年55歲的歌神張學友與太太羅美薇育有兩女,大女張瑤華(Zoe)早前在facebook貼上一張跟一名外籍男子Mathis互攬照片,非常親暱,兩人更以「I love u so much」、「I love u more」留言,男方fb的「感情狀況」一欄填上「已婚」,令戀情撲朔迷離。



Zoe早前在fb貼上與Mathis的親密照,惟相片已被刪走。資料圖片



Zoe與Mathis二人又互以「I love u」留言。資料圖片



學友又拉華仔落水,指華仔十多年後,都要面對女兒拍拖等問題。

「個男仔同囡囡唔熟」

昨早11時半,學友完成在內地太原的個唱後返抵香港機場,他接受訪問時主動談到有關大女Zoe的緋聞:「大家都係想講關於我大女嘅事,我當然有了解,亦都知道個男仔係讀另一間學校嘅學生。至於喺社交媒體上,見到佢(Mathis)話結婚,其實係一個遊戲嚟囉,相信大家都可以想像得到,佢都係一個17、18歲嘅男仔,嚟緊都要升學,個男仔同囡囡都唔係好熟嘅朋友。」

學友笑言囡囡與Mathis互攬的照片,是事件曝光後才看到,亦有留意到相中的留言,他說:「個男仔其實喺學生界都好出名,除咗係model,都有設計服裝,喺佢哋個朋友圈都幾出名。喺佢哋文化上面,講love u好似講bye bye咁,我自己都係咁同個女講。」

學友主動提及另一張行山照片,相中男生並非Mathis,而是囡囡同校的同學,行山照是兩人湊巧碰到所拍,學友指囡囡對影響到身邊朋友感到不好意思,他笑說:「對於一個小朋友,尤其係我哋嘅下一代,會覺得『點解我影一張相都會俾人哋講?』嚟緊都好多喇,好似華仔(劉德華)個囡囡,十幾年之後可能都要面對呢啲事。」



Mathis在fb的感情狀況是與另一女子Chloe「已婚」。



16歲的Zoe情竇初開,學友笑言會接受囡囡拍拖。互聯網圖片

「抽咗時間同佢解釋」

據學友了解,Zoe暫時未有興趣拍拖,假如日後結識朋友,只要不影響學業前提下,是沒有大問題。他認為女兒就讀國際學校,思想及行為較洋化:「雖然要做騷,都抽咗時間同佢解釋,亦唔可以阻止佢用社交媒體,囡囡都已經特別小心,覺得今次只不過係一個誤會,因為個男仔冇用到真正身份出嚟講,但個男仔嚟緊都會去外國讀書。」持開放態度的學友表示將來囡囡真的拍拖,只要通知他一聲就可以。至於問到是否接受外國人做女婿時,學友笑言:「呢啲唔到我講!」

採訪:馬建華

攝影:陳慧安



羅美薇與學友婚後的生活極為低調,兩女也是最秘密的星二代。資料圖片



多年來學友親力親為照顧兩女,管接管送。資料圖片



學友透露Zoe為了此事亦感到不開心。


鍾意就快D Share啦!
Related Posts Plugin for WordPress, Blogger...