歐陽巧瑩（右）都係過來人呀！
陳婉衡曬太陽曬到咪咪都燶埋，平日喜歡與陽光玩遊戲的女星即各自研究防曬心得，與大家開心share！
林芊妤（Coffee）表示：「我覺得搽有色、厚身嘅防曬好啲。我試過用醫生畀嘅防曬，搽到成磈面白色添。游水前我會搽一層厚嘅防曬，等半個鐘後才用多次噴霧，而曬嘅時間最好係下午三點後，等個太陽冇咁毒嘛。仲有要記得戴太陽眼鏡，因眼球直接見到陽光，會釋出黑色素作保護，咁就黑上加黑嘞。至於曬完之後，就得做好皮膚補濕，等皮膚冇咁乾，搽蘆薈同青瓜就最有效。」
劉溫馨則略嫌自己皮膚天生不夠白：「睇醫生，醫生話女仔白與黑取決於基因，天生嘅。早排拍《宮心計2深宮計》，導演忽然叫停，要我出去補妝先，好明顯係我唔夠身邊其他女仔白。參加水上活動我一定唔會暴露喺烈日下好耐，個人嚟講亦好注重美白同保濕嘅功夫，總之防曬、帽、太陽眼鏡、長袖衫都係夏天恩物，我試過頻用美白面膜係有效嘅。」
歐陽巧瑩則坦言自己亦有曬燶咪咪經歷：「曬傷嗰個部位好麻煩，話晒啲皮膚比較嫩。記得狂搽防曬，曬完返屋企沖完涼，就好搽蘆薈嘞。」
來源 source: http://hk.on.cc
|
鍾意就快D Share啦！
|
|
|
