掃呢頁CODE去手機

2017年6月6日 星期二

【港姐VS金魚缸】「理大女神」撈金融好過TVB :搵工唔敢提參選! __,女神,TVB,港姐,

曾經參選過2012年港姐,做過長壽劇《愛.回家》靚女秘書Emma的王舒銳(Ivana),近年轉身走入金融界,進入中資金融機構工作。背負港姐光環做金融到 ...


曾經參選過2012年港姐,做過長壽劇《愛.回家》靚女秘書Emma的王舒銳(Ivana),近年轉身走入金融界,進入中資金融機構工作。背負港姐光環做金融到底有無着數?王舒銳就話「光環跟你一世」,但影響「有好有唔好」,港姐名銜吸引力大,但老闆都會「質疑你唔捱得」,所以揾工時往往都不敢提。王舒銳係大學讀書時已被叫做「理大女神」,在二年級暑假時參選港姐完港姐夢,落選後就返回大學完成會計學士學位。之後再加入訓練班,曾經參演《愛‧回家》、《安樂蝸》等節目,正當漸漸廣為人識時,王舒銳卻決定改投金融界。原來讀會計出身的她,自覺不適合做核數一門,想挑戰一些較靈活的金融工作兼學識睇公司。在做藝人時已跟高手同事炒股,但她大呻「當時不太識睇,搞到損手離場,唔識幾時買同賣」,交了不少學費。為了結束撞板生涯,除了睇書進修,亦要惡補實戰知識,故她在2015年決心轉做金融,並進入一間中資券商做買方(Buy side)工作,先負責做定向增發類型工作,學習分析不同行業公司發展走勢,做產業投資。其後再在近月轉工改做賣方(Sell side),嘗試公司上市範疇,學習了解一間公司實際財務狀況、發展方向及股權變動等。講起工作有板有眼,但到底港姐出身有無着數?王舒銳坦承,即使無特別介紹自己,但由寄履歷給獵頭,及後僱主、客人、同事等對她都多「港姐」身份好好奇,「即使港姐已經完咗,但個光環真係跟你一世」,但參選港姐的經歷「有好有唔好」,肯定比其他人「吸引力多咗,每個人都認得你」,但同時「僱主會覺得你捱唔捱得架?因為投行真係好辛苦」。她惟有強調「TVB嗰陣仲辛苦呀,時間仲長,變數更快」。獲得錄取後,出外見客同事難免以「港姐出身」的身份去介紹她,王舒銳笑指,連老闆都有反問她會否介意,「我其實都盡量唔想自己提自己係港姐,但同事講我都唔會介意」,但「講咗可能會俾人labal(標籤)咗港姐的名銜,會質疑我嘅能力」。幸好,投行工作要快而準,王舒銳指自己雖然不急於證明實力,但「我而家都要好快交到嘢」,「僱主依家會知我反應好快,做的嘢都交到功課,對我改觀」。近年與王舒銳同屆的港姐陸續彈起,好似朱千雪、黃心穎等都正在上位,問到她有無後悔離開娛樂圈時,王銳舒指自己好投入投行工作,「我覺得每一個人想得到嘅嘢,或者滿足感係邊到嚟都唔同,一直以來我都無後悔過」,現時投行工作在項目多時都要工作至凌晨,但「呢個板塊真係比較技術性,無返三、五年工作經驗去浸淫下,好難做到專家」,故無意重投娛樂圈。記者:方楚茵攝影:黃耀興掌握財經生活資訊,即Like「蘋果ATM」fb專頁

http://fb.com/appledailyatm

王舒銳(Ivana)做過長壽劇《愛.回家》靚女秘書 王舒銳現時於中資機構工作,不斷學習投資分析 王舒銳在做藝人時已跟高手同事炒股,但最終損手離場

來源 source: http://s.nextmedia.com
鍾意就快D Share啦!