2017年8月12日 星期六

【B女下月初養和出世】貼身照顧Moka 郭富城外母已抵港standby? __,Moka,方媛,郭富城,

郭富城喺4月同方媛(Moka)結婚,城嫂當時已經肚凸凸,婚紗都係揀傘裙,似乎有意遮肚。一直有傳城城已經揀好養和醫院,俾老婆喺香港生BB,早前有報道指城 ...


郭富城喺4月同方媛(Moka)結婚,城嫂當時已經肚凸凸,婚紗都係揀傘裙,似乎有意遮肚。一直有傳城城已經揀好養和醫院,俾老婆喺香港生BB,早前有報道指城城第一胎係女,9月就會出世,城城仲已經喺上海買定3千萬豪宅俾老婆同B女住。睇番日曆,小天后好快就出世喇!不過城城真係好忙碌,據知佢喺9月初開工,再同《踏血尋梅》導演翁子光合作,希望小天后好腳頭,為爸爸嘅新戲加油,贏多次最佳男主角。呢齣新戲,據知仲有位好有份量嘅神秘男主角。城城9月安排好工作,咁城嫂呢?有啲玄機睇到,Moka上個月30日high tea,雖然instagram係單人照,但upload上微博嗰張就多咗位中年女士,Moka仲話:「喜歡工作忙碌的每一天,最近有點空的好不習慣,出來透透氣。」言語間透露自己待產中。無錯喇,城城喺工作之餘,已經同外母傾好,到時外母會留多陣,照顧Moka同B女,等佢哋有多啲時間三代同堂,同時自己又唔使咁頻撲。郭天王,真係周到喇。

有報道指用咗3千萬喺上海置業。(資料圖片) (資料圖片)
有傳結婚時已經叼陀緊4個月BB,Moka當時好多相都似刻意遮肚。(資料圖片) Moka話呢排好空閒,暗示自己等待產。(微博圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...