掃呢頁CODE去手機

2017年9月15日 星期五

【遇「泊車L」唔使驚】車尾刮花兩次 麥明詩神級泊車 同隔籬車相距一吋... __,麥明詩,

麥明詩(Louisa)讀書叻,相信全香港市民都知。不過,每個人都有弱項,佢曾經自爆考咗四次車牌先至成功,去年同哥哥夾錢買咗部價值約70萬嘅Tesla新 ...


麥明詩(Louisa)讀書叻,相信全香港市民都知。不過,每個人都有弱項,佢曾經自爆考咗四次車牌先至成功,去年同哥哥夾錢買咗部價值約70萬嘅Tesla新車,點知落地幾個月,接連發生意外,車尾差不多同一個位刮花兩次,佢自己都喺網上狂呻﹕「入廠(維修)之前,同埋出廠之後5個小時。#無言 #人類總要重複犯錯。」(相關新聞﹕http://bit.ly/2wrNgGF)

今日,麥明詩又喺facebooK貼車相,但今次唔係呻自己有幾慘豬,而係炫耀自己泊車有幾叻,留言﹕「我覺得自己泊車都ok叻。」不過,Louisa架車同隔籬架車只有一吋多少少嘅距離,唔少網民都留言﹕「跪求落車教學」、「天窗上車」、「算係神級車手(曲)」。

麥明詩見咁多人留言質疑佢嘅泊車技巧,之後都忍唔住加hashtag「#土地問題#另一邊有條柱」。哦,原來泊到咁貼係有原因嘅,麥明詩接受傳媒訪問時透露出車經過,佢話﹕「我爬去後面,就可以出到嚟,我係泊到啱啱每邊有一吋位。(泊咗幾耐?)十分鐘啦。」


鍾意就快D Share啦!