由苗僑偉、陳豪、宣萱、袁偉豪、周柏豪、黃翠如及許紹雄等主演的無綫重頭劇《使徒行者2》，將於9月18日晚上9時30分首播，內地騰訊網亦會同步播映。監製蘇萬聰對作品充滿信心，表示《使2》集集精彩：「真係要集集追睇先得，否則會錯過好多同追唔上劇情。」
約「雙豪」食好西
《使2》其實是上輯的前傳，今次除演技精湛的苗僑偉及許紹雄等演出值得注意外，青春派演員「雙豪」周柏豪及袁偉豪，將與黃翠如發展出一段微妙三角關係， 袁偉豪更犧牲色相，因應角色需要頻頻於螢幕上騷肌。至於周旋於兩型男中的翠如，最終承受無比感情傷痛， 她說：「我嘅角色性格好直接，敢愛敢恨，而柏豪嘅角色設定好憂鬱、好型，係成套劇嘅『大眾電王』。我對佢一見鍾情發力追求，相反我就對表裏不一嘅袁偉豪冇反應！成套戲袁偉豪都好鍾意除衫，除到我都唔想睇呀！」翠如直言因有苗僑偉及宣萱等坐鎮，故壓力相對減少，拍劇空檔會約「雙豪」一齊做運動及「食好西」。
袁偉豪對於「三角苦戀」表示：「喺劇裏面我認識翠如就好鍾意佢，覺得呢個女仔好得意、好想撩佢，發展到後期我同柏豪不和，翠如夾喺我哋中間左右做人難，而佢又好愛柏豪！佢見到我哋嘅一切感到好心痛，形成一種難以形容嘅傷害。」對於監製讚他親身上陣拍危險鏡頭，更因此意外傷手，袁偉豪說：「我同柏豪有好多打鬥場面，因我哋有經驗，武指自然想我哋做好啲。佢哋鍾意度啲新嘢畀我哋，我覺得好好玩。最難忘係有場戲淨係着住底褲打交，又要由3樓跳落嚟，當時完全冇衫保護， 如果位置唔準確好容易整傷，宣萱仲喺現場，真係有少少尷尬。」
苗僑偉飛車搵命博
至於「型佬」苗僑偉亦不讓後輩們專美，拍飛車戲堅持親身上陣：「我哋拍咗咁多年戲，呢啲場面真係冇問題，唔使擔心喎。」當工作人員擔心有機會撞欄，他卻準確煞停戰車，果然經驗老到。
陳豪非一般黑幫大佬
除了「雙豪」與翠如的三角戀外，宣萱與陳豪於此劇亦有感情線。監製蘇萬聰形容「萱豪戀」來得比較含蓄，激情欠奉，不過卻希望觀眾與宣萱「同一陣線」，被陳豪的性格吸引，慢慢愛上這位黑幫大佬。
由於監製想營造陳豪與傳統黑幫大佬的打扮有所分別，開拍前下令為陳豪多訂造三件頭西裝。監製說：「搞到佢好似華爾街嘅CEO一樣，陳豪知道後即操弗自己，接到劇本後花咗一個月時間減磅。至於宣萱嘅造型同《不懂撒嬌的女人》有好大分別，《不》劇嘅宣萱比較女性化，今次佢就性格剛烈，走型格路線。佢知道陳豪減磅，自己亦決定節食，希望上鏡靚啲。」
張兆輝撞車險盲
《使2》非常重視演員配搭，出動約80位演員參與演出，黃德斌、洪永城、古明華、連詩雅等相繼客串，陳煒更扮演「歡喜哥」許紹雄的太太，用二人細膩感情闡述「歡喜哥是如何煉成的」。苗僑偉大打友情牌，邀來好友張兆輝客串臥底警察以一敵眾，更有不少動作場面。拍攝期間，張兆輝整個人飛身撞向車輛擋風玻璃，險些傷眼變盲。
|
鍾意就快D Share啦！
|
|
|
