2017年11月4日 星期六

袁詠儀:傳授戀愛秘笈!袁詠儀爆11歲仔仔「失戀」 __,袁詠儀,

師父,明白了!藝人袁詠儀(靚靚)出席慈善活動,在拍照期間模仿模特兒擺甫士,她笑言:「唔係model就唔係model。(你好有興趣學擺甫?)成日畀人話唔 ...


師父,明白了!


藝人袁詠儀(靚靚)出席慈善活動,在拍照期間模仿模特兒擺甫士,她笑言:「唔係model就唔係model。(你好有興趣學擺甫?)成日畀人話唔識擺,見Kathy(周汶錡)喺度咪學吓,最冇錯。(阿仔chok過你?)咁又係,佢呢排影相都chok住隻眼。(跟得爸爸多?)我都唔知,要嚟始終要嚟,佢都就快11歲。(佢自己學?)唔知,我諗佢啲男性賀爾蒙開始出嚟,人天性就係咁。」她表示兒子張慕童(魔童)將於下周日(12號)生日,但他好低調不需要開Party,只想約幾個朋友去玩:「我話實在太好,一架車可以搞掂,可能送啲朋友同佢食lunch,佢又想去滑板公園玩,就完成咗生日禮物。(全部都係女仔朋友?)好彩玩滑板好多都係男仔,我都有問佢使唔使請女仔,佢就反問請佢哋嚟做咩,暫時應該唔會,呢個年齡好尷尬,就算請咗人哋家長未必畀佢嚟。」

阿仔對女同學有好感

靚靚直言沒有刻意探討魔童與女同學有否緊密聯絡,但大爆他近日因有女同學要回美國而感到低落:「國際學校有好多家長都係公司派嚟,可能第二年要走,但佢唔係講笑嗰種sad,講咗幾日,對個女仔有好感先會咁,我就好衰咁同佢講要開始習慣男女之間嘅離離合合,可能有啲女仔會冇啦啦同佢講分手,嚟緊有咁多(姻緣)唔應該咁認真,真命天子(女)總會出現但未有咁快。」

傳授男女相處之道

靚靚又表示:「我教佢如果你好鍾意一個人,無論佢做錯咩都要講『sorry』,如果你唔鍾意,都要答『好呀』,唔好再拖拉。佢似明非明咁,我同佢練習嗰時就狂笑,話應該點答我。(怕唔怕佢答你好?)佢答Sorry,我上網睇到段父子對話,話準備結婚就要開始講sorry,因為女人唔講道理,我就將呢套教阿仔,但如果唔鍾意就快啲同人講,我好怕啲人拖時間,灑脫啲。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...