朱晨麗孖緋聞男友何廣沛出騷。
無綫花旦朱晨麗（朱朱）與緋聞男友何廣沛、劉穎鏇（Tiffany）與余德丞到馬鞍山出席活動，朱朱以Tube Dress晒肩性感上陣，與何廣沛整蛋糕時頻頻彎腰晒線頭，更餵何廣沛食蛋糕Sweet到爆，而Tiffany則封胸晒長腿。
首次情侶檔出騷
朱朱與何廣沛接受訪問，問是否首次情侶檔出騷？何廣沛說：「係首次螢幕情侶出騷，之前都係宣傳《超時空男臣》。（之前被影到拍拖食飯？）同事食飯啫。（貪地方夠清靜？）貪地方近公司，呢個地方都多人嘅！」被指互相餵食的二人笑笑口否認，講到朱朱餵蛋糕好熟手，她笑言：「我有練開，平時都有餵媽咪食嘢。」
唔認拍拖
被問到會否擔心再被影到約會而避忌，二人都笑言不會，朱朱更建議可以約打羽毛球：「可以約埋洪永城、蔡思貝、黃子恆佢哋！（一Pair Pair咁打？）唔係，係組個《味想天開》羽毛球隊！（約游水呢？）我唔識游呀！」問二人是否擔心公開戀情影響工作，何廣沛說：「公司又冇咁規定嘅！（拍拖會公開？）依家係開放社會。」朱朱面對緋聞則表示順其自然，問到會否公開關係，她即「天然呆」說：「我Jet lag（有時差）呀！（依家關係？）係朋友！」
擔正四部劇
講到朱朱有四部劇集擔正，問是否想明年（2018年）爭做劇后，她說：「都係公司畀機會，第一次有《特技人》呢類咁有挑戰性嘅劇，係新挑戰，好多朋友都問我攰唔攰，會唔會冇時間休息，現實只有一個角色，戲裏面就可以有好多唔同嘅自己，所以會繼續努力。（《特技人》裏面身材好勁！）唔止，我功夫都勁，劇裏面好多人都身材好勁，大家都操得好Fit。」何廣沛聞言表示錯過了朱朱的性感演出，笑言會上網追睇。
來源 source: http://hk.on.cc
|
鍾意就快D Share啦！
|
|
|
