2017年11月4日 星期六

同患抑鬱!張繼聰憶食藥頂硬上撐老婆得獎 __,繼聰,張繼聰,

張繼聰無意間睇番條片,百般滋味在心頭。最近《老表,畢業喇!》熱播,大家經常可以睇到螢幕上嘅張繼聰,對佢嘅印象不外乎搞笑、爆肌、演出夠放等等,但有幾多人 ...


張繼聰無意間睇番條片,百般滋味在心頭。


最近《老表,畢業喇!》熱播,大家經常可以睇到螢幕上嘅張繼聰,對佢嘅印象不外乎搞笑、爆肌、演出夠放等等,但有幾多人記得佢初出道時其實係一個唱作歌手?

呢日,張繼聰喺社交網Post出一張2010年《叱咤樂壇流行榜頒獎典禮》嘅截圖,喚起大家嘅記憶。相中見當年嘅佢留着微攣長髮,正以歌手身份坐着冷板櫈、聽台上得獎嘅老婆謝安琪講緊感言,心情百感交集。張繼聰感慨地發表長文,指當時深受抑鬱病折騰。文中一開道,佢語帶輕鬆謂:「無意中睇到依段片,好歡樂☺️唔係講七年前我個郁同髮型帶比(畀)大家嘅歡樂,而係……七年前嘅依一日,當時嘅我可以話係考緊宇宙俾(畀)我嘅試……啱啱出世嘅朋友仔可以去歷史博物館查吓我當時嘅外號(疑指被封「廢柴老公」),就會略知一二。當時我嘅花朵真係好猛😎」

強忍嚴重抑鬱見證老婆得獎

之後,張繼聰透露:「當時我嘅抑鬱病非常嚴重,非常想又非常怕去依個Party。想去,係因為太太當時成績非常出色,我一定要係現場支持佢同見証(證)佢努力嘅成果❤️怕去,係因為我當時嘅成績非常冇乜成績……😏片中所見嘅我,其實當時食行藥,所以好口乾,好頭暈,好攰,個cam又起勢隊住隊住,同時又好感動,好替太太開心,好想抱住佢,再同時好驚好怕,好擔心食白果嘅我唔知又會比(畀)人點嘲笑,總之九萬幾個層次又li又lu……同時台上嘅太太,成晚雖然得到好多個獎,其實當時嘅佢抑鬱病都好猛烈,承受好大嘅壓力,佢都係考緊宇宙俾(畀)佢嘅試……你話世界係幾奧妙?」

籲網友堅強抗逆境

張繼聰續道:「快唔快樂,原來同得到幾多無關。快樂,其實係因,唔係果。如果你咁得閒睇到嚟依到,朋友,我想講嘅係,每一個經歷其實冇乜意義,意義係由自己去界定,但係一定比你想像中美好同重要,就算當時係幾惡啃都好,好好行自己嘅路就掂。就好似我家吓睇番段片,發現原來果(嗰)日唔係路障,而係加油站🍃令我選擇之後嘅路,決心尋找快樂同自在。亦係果(嗰)日,令我更有勇氣去更多嘅頒獎禮,食更多嘅白果😂 所以你話,人生幾美好,根本就冇衰嘢。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...