2017年11月27日 星期一

【巴黎名媛舞會】四太趕夜機送肉咀 何超欣大合照企中間 __,超欣,何超儀,何超,梁安琪,四太,何超欣,

賭王何鴻燊噚日96歲生日,四太梁安琪就同大女超盈,兩個仔猷亨同猷君去賀壽,唯獨就唔見佢18歲孻女何超欣,原來超欣去咗巴黎,參加被譽為巴黎貴族社交盛事嘅 ...




賭王何鴻燊噚日96歲生日,四太梁安琪就同大女超盈,兩個仔猷亨同猷君去賀壽,唯獨就唔見佢18歲孻女何超欣,原來超欣去咗巴黎,參加被譽為巴黎貴族社交盛事嘅成人禮舞會(Le Bal),所以就冇返香港同賭王慶祝生日,四太為賭王慶祝完生日,就搭夜機去咗巴黎陪超欣。

超欣今次以唯一一個華人參加呢個ball,同場仲有奧斯卡影后麗絲蕙絲潘(Reese Witherspoon)嘅18歲囡囡Ava Philippe、美國諧星Steve Harvey嘅囡囡Lori Harvey都有參加,英國dailymail Online都有報導呢件盛事(新聞連結: http://dailym.ai/2iRfwyi )。嗰ball喺巴黎半島酒店舉行,見酒店官方instagram影大會合照時,超欣同Ava Philippe都係就企第一行,超欣更獲重視企正中間位置,認真威水。

超欣有幫大會微博玩直播live,直播去咗巴黎Dior總壇試高級訂造裙、化妝、試珠寶等細節。見超欣好似唔喺太慣去ball冇乜set頭經驗,佢不斷同髮型師傾點整頭髮,又唔少網友留言話佢靚,又話要送禮物畀佢,佢就叫網友唔好破費。Live到中段,佢就有少少緊張,要搵阿哥猷君,猛話:「可唔可以入嚟,我帶唔到氣氛,有啲失敗,可唔可以入嚟。」之後,超欣仲喺化妝間介紹其他參加ball嘅富二代,更應網友即興唱歌,唱咗周杰倫嘅《彩虹》,更唱生日快樂歌畀賭王。之後超欣就去綵排,四太都有喺直播出現,笑自己係「胖媽」,又錫咗超欣一大啖:「我女兒好可愛,謝謝大家支持,長得好高,因為父親生日,要送好好禮物。」

《蘋果》今日搵咗四太,佢話為咗睇超欣成人禮,只逗留2日1夜,之後要趕返香港開會,笑笑口話自己係「偉大的母親」:「係大會一年前揀咗佢,都要嚟支持吓,等佢有啲經歷,學吓社交禮儀,學下做淑女,要學跳Waltz,當然我嚟睇就覺得佢跳得麻麻地,有排學。」

其實,呢個巴黎成人禮ball係一件盛事,之前奧地利公主Princess Alexia von Auersperg、美國老牌影星華倫比堤(Warren Beatty)同金球影后安納貝寧(Annette Bening)生嘅囡囡Isabel Beatty、Bruce Willis同Demi Moore嘅囡囡Tallulah都參加,香港就有賭王大房孫女Ariel Ho、林建岳細女林心兒、利孝和夫人外孫女雷正殷、針織大王曹其峰女兒曹穎惠都參加。

更多娛聞,喺晒《娛果》

http://fb.com/appledailyent



何超欣同其他女仔大合照時,獲重視企中間。 超欣幫大會開live,期間不停同其他女仔傾偈。


不斷同髮型師傾點整頭髮。 四太為賭王慶祝完生日,就夜機送去巴黎陪超欣。







鍾意就快D Share啦!
Related Posts Plugin for WordPress, Blogger...