姚子羚憶述畀狗咬擔心毀容
藝人姚子羚前晚於《TVB馬來西亞星光薈萃頒獎典禮2017》奪得「最喜愛TVB女配角」獎項，她上台發表得獎感言時感觸落淚，邊哭邊說：「呢一年係姚子羚好難忘嘅一年，之前塊面受傷（指去年被所領養狗隻咬傷），令到有段時間我唔能夠拍劇，但公司冇怪我。嗰時我每日照鏡見到條疤痕，我覺得係一個經歷，希望大家繼續領養，唔好棄養。另外，我亦要多謝另一半（男友鄭子邦），人生無常，大家要學識感恩，學識要活在當下。」
黃智雯昨日出席聖誕活動時，被問及好友姚子羚重提被愛犬咬傷一事，智雯表示當時有盡量陪她：「佢停工半年，當時佢唔方便喺外面見面，就home gathering，互相陪大家。你知女仔都好care外表，好緊張，但佢好堅強。」
至於奪得男配角獎的陳山聰，前晚在慶功宴提到亡父再次哽咽，及後平復心情，笑住鬧陳展鵬及胡定欣再拎螢幕情侶獎：「又話唔再攞嘅？應該留番畀我同姚子羚吖嘛！下次會到我哋拎！」而展鵬和定欣則對山聰、子羚說聲不好意思：「你哋下年再拎」
來源 source: http://orientaldaily.on.cc
|
鍾意就快D Share啦！
|
|
|
