2017年11月6日 星期一

唐詩詠約西裝男心急撐枱腳 __,詩詠,唐詩詠,

西裝男手持早已買定的戲飛,與詩詠步往戲院。
唐詩詠約西裝男心急撐枱腳有「絕世好女友」之稱的唐詩詠,自從今年初與洪永城分手後,感情一直冇着落,只寄情工作及打理其餅店生意。近年向商界發展的她,原來連 ...


唐詩詠約西裝男心急撐枱腳

有「絕世好女友」之稱的唐詩詠,自從今年初與洪永城分手後,感情一直冇着落,只寄情工作及打理其餅店生意。近年向商界發展的她,原來連口味都轉埋。昨日她打破「Dry」缽,與一位西裝型男到金鐘撐枱腳兼睇戲!一向慳家的她,竟然搵代客泊車職員泊車,只為心急見新歡!

36歲無綫花旦唐詩詠,今年5月宣布與洪永城分手後,曾表示現階段以工作為先,全力發展餅店生意。回復單身的她,最近愛上運動,頻頻做Gym Keep靚Body,變得愈來愈索,難怪不時谷胸上陣晒身材。

叫定食物等新歡

過往鍾情Casual型男的詩詠,最近終於破「Dry」缽,不過就連揀另一半的口味都轉埋。昨日發現她與一位年約30歲、身形健碩、打扮斯文的西裝男到金鐘拍拖。約下午1時,不用開工的詩詠獨自駕車離開將軍澳寓所前往金鐘,由於周日關係,該處商場的停車場爆滿,向來慳家的詩詠,未知是否心急見新歡,寧願去附近酒店搵代客泊車職員代勞,都唔想慢慢排隊。

戴黑超的詩詠將座駕交予代客泊車職員後,先去櫃員機撳錢,然後去附近餐廳搵位,細心地叫定食物等新歡。數分鐘後,西裝男前來會合,詩詠見到對方即笑到見牙唔見眼,更「開籠雀」上身傾個不停,兩人面對面坐邊食邊傾,有講有笑。原來西裝男之前去了買《雷神奇俠3:諸神黃昏》戲票,故兩人撐完枱腳後,即雙雙乘扶手電梯往下層戲院。

詩詠與西裝男撐枱腳,期間被男方氹到四萬咁口,全程講多過食。
  • 詩詠與西裝男撐枱腳,期間被男方氹到四萬咁口,全程講多過食。
兩人邊行邊傾,話題講極講唔完。
  • 兩人邊行邊傾,話題講極講唔完。
會合西裝男前,詩詠未有除下黑超。
  • 會合西裝男前,詩詠未有除下黑超。

睇完戲繼續傾

沿途見詩詠與新歡繼續雞啄唔斷,行到戲院門口依然傾唔停。兩人怕被人認出,在電影開場後5分鐘才入場。約兩小時後散場,詩詠與新歡步出時邊行邊傾,估計是談論電影劇情。

一向慳家的詩詠心急見新歡,竟然畀錢搵人幫手泊車。
  • 一向慳家的詩詠心急見新歡,竟然畀錢搵人幫手泊車。
詩詠有樣有身材,點會冇人追?
  • 詩詠有樣有身材,點會冇人追?

文、攝:追蹤組






鍾意就快D Share啦!
Related Posts Plugin for WordPress, Blogger...