熱爆娛樂: 【熱鬧過台慶】前無綫監製潘嘉德70大壽花旦小生空群而出 _

2018年10月14日星期日

【熱鬧過台慶】前無綫監製潘嘉德70大壽花旦小生空群而出 __,潘嘉德,無綫,

人稱德哥嘅無綫監製潘嘉德，人緣一向極好，今晚佢喺中環一間酒家擺70大壽壽宴，筵開35席，除咗花旦小生空群出動外，昔日合作過嘅圈中好友紛紛到賀，包括汪明荃、梁漢文、宣萱、周勵淇、楊怡同老公羅仲謙、謝天華、譚玉瑛、梁舜燕、林峯、李克勤夫婦，單立文同太太、陳煒、梁漢文、湯洛雯、李添勝、梁家樹、陳鍵鋒、高海寧、黃智賢、陳智燊同老婆宋熙年、趙希洛、梅小青、德哥昔日訓練班同學談泉慶、賴水清等等，場面熱鬧過無綫台慶。

大約夜晚8點，德哥出嚟影相，佢話今日只係請吓朋友食飯，多謝傳媒朋友。之後阿姐汪明荃到場時，德哥更親自出嚟迎接，兩人互相祝青春常駐同互攬。

德哥係無綫第4期藝員訓練班畢業生，同期同學有杜琪峯、黃杏秀等等，但畢業冇幾耐，德哥就轉去幕後發展，80年代尾開始喺無綫擔任監製，作品包括《卡拉屋企》、《刑事偵緝檔案》、《鑑證實錄》、《衝上雲霄》同《On Call 36小時》等等，係無綫金牌監製，不過效力無綫43年嘅佢，最終係今年5月退休離開娘家。

精選娛聞，喺晒《娛果》

http://fb.com/appledailyent

（攝影：黃曉程）	（左起）馬國明、羅敏莊、陳國邦、阮兆祥、潘嘉德、梁漢文	 潘嘉德今日喺中環擺70大壽壽宴
 汪明荃到場，德哥親自迎接	 高海寧	 陳智燊、宋熙年
 宣萱、周勵淇	 李添勝	 梁家樹、陳慧珊
 陳鍵鋒	 德哥亦有預備禮物送俾傳媒朋友	 難得碰頭，吳卓羲亦喺微博上載咗張同林峯、馬國明、陳鍵鋒嘅合照，仲寫住「4大名寶」（微博圖片）
 梁漢文今晚仲上台唱《刑事偵緝檔案》插曲「愛與情」（微博圖片）	 李克勤同老婆盧淑怡都有去，仲同梁漢文及汪阿姐影相添（微博圖片）	 陳煒連走兩場，之後去到潘嘉德壽宴，佢仲貼合照上ig。（ig圖片）