掃呢頁CODE去手機

2018年10月14日 星期日

陳展鵬單文柔海上完婚讀誓詞睇貓紙 __,陳展鵬,單文柔,

展鵬Chok晒甫坐快艇,唔講仲以為拍緊劇!
陳展鵬單文柔海上完婚讀誓詞睇貓紙現年41歲的視帝陳展鵬與28歲無綫小花單文柔拍拖兩年,昨日舉行海上婚禮締造難忘回憶,在豪華遊艇上進行註冊儀式,展鵬宣讀 ...


陳展鵬單文柔海上完婚讀誓詞睇貓紙

現年41歲的視帝陳展鵬與28歲無綫小花單文柔拍拖兩年,昨日舉行海上婚禮締造難忘回憶,在豪華遊艇上進行註冊儀式,展鵬宣讀誓詞時出動貓紙,又甜蜜互咀,場面溫馨。不過見傳媒時,展鵬竟變成怕醜仔,不肯當眾咀新娘!

陳展鵬與單文柔(Phoebe)昨日結婚,上午八時許,身穿黑色「金龍」中山裝的展鵬乘七人車抵達酒店接新娘,圈中好友李麗霞、杜挺豪、劉穎鏇、鍾晴及魏韵芝等陸續亮相。約10時許,抱得美人歸的展鵬與穿上紅色高衩旗袍的Phoebe步出酒店,並上花車前往碼頭,上船到威士忌灣進行註冊儀式。

展鵬換上深藍色西裝及戴黑超,手持白色花球,由兩名兄弟傍實乘快艇登上千萬遊艇,場面似足拍電視劇!身穿白色低胸透視婚紗的Phoebe在船上等候,一對新人在約50名賓客見證下宣讀誓詞、交換婚戒及主持祝酒儀式。未知展鵬是否太緊張,讀誓詞時竟出動貓紙,更要老婆幫他拿着,相當搞笑,他宣讀誓詞:「由開始相知相識,彼此陪伴走過,不單止係好朋友、好情人,我笑嘅時候你會戥我快樂和滿足,我喊嘅時候你會默默守在旁邊為我遮風擋雨。彼此明白二人結合並非1+1=2,而係0.5+0.5=1,互相Compromise。我在此向你保證,一生之中對你忠心不變,此志不渝。」兩人簽字禮成後,即甜蜜咀嘴。

幫老公拎住貓紙讀誓詞,Phoebe都忍唔住笑。
  • 幫老公拎住貓紙讀誓詞,Phoebe都忍唔住笑。
禮成!少不了情深一吻。

  • 禮成!少不了情深一吻。
單文柔穿高衩旗袍,不經意晒腿。

  • 單文柔穿高衩旗袍,不經意晒腿。

大頭蝦怕遺失婚戒

之後一對新人移師酒店會見傳媒及準備婚宴,晚上筵開19席宴請親友。新娘換上另一款露肩婚紗亮相,展鵬不肯應記者要求與新娘咀嘴,表現怕醜。Phoebe坦言展鵬宣讀誓詞時,她最為感動:「其實誓詞係我哋平時拍拖時講,佢話未遇到我之前係一個個體,依家結為夫婦,大家各自減去一半融合成為一個個體。」又表示想有個難忘又安靜的婚禮,所以選擇在船上行禮。問到愛的宣言,新娘子笑說:「佢有同我爸爸講。」展鵬補充:「都係嗰啲,會令佢個女好幸福,會錫佢。」Phoebe透露不忍心老公被姊妹玩,所以不設玩新郎環節,展鵬卻指拍攝籌備婚禮的短片時已被玩:「婚禮上播出嚟嘅短片會有動作場面,仲會重溫番我哋嘅相識故事。」提到手上的巨鑽,Phoebe不願透露卡數:「唔講呢啲,最緊要係心意,呢樣係紀念,我好大頭蝦,希望一直保住隻戒指,唔會唔見。」

一對新人宣讀誓詞後交換戒指。

  • 一對新人宣讀誓詞後交換戒指。
單文柔烏身簽字,美好身材表露無遺。

  • 單文柔烏身簽字,美好身材表露無遺。
婚宴上,展鵬唱情歌搞喊老婆。

  • 婚宴上,展鵬唱情歌搞喊老婆。

老爺滿意新抱仔

另外,展鵬母親雖然中風,但亦有到場見證兒子娶老婆,展鵬指父母都很開心:「尤其係爸爸,佢平時比較Cool同埋少出聲,但睇得出佢好開心,佢望住新抱仔,個樣尷尷尬尬,微微笑咁,好滿意!」Phoebe補充:「老爺同我講咗句,叫我好好照顧展鵬,即係佢哋都好滿意我!」問到婚後Phoebe會否繼續工作?展鵬坦言會尊重太太,不介意對方拍親熱及咀戲。他表示未計劃度蜜月,已準備隨時復工,至於造人大計,他們希望一切順其自然,急不來。






鍾意就快D Share啦!