掃呢頁CODE去手機

2018年10月14日 星期日

【《殺手》唔易做】龔嘉欣為TVB劇不單被胸襲16次 連手指筋都斷埋 __,鍾嘉欣,龔嘉欣,TVB,

龔嘉欣一向斯斯文文、靚靚女女,今次為大台新劇《殺手》真係可以話付出好多,隨時搞到五勞七傷!飾演職業殺手嘅佢,當然都要練下身手先見得人啦,結果咪就係周身 ...




龔嘉欣一向斯斯文文、靚靚女女,今次為大台新劇《殺手》真係可以話付出好多,隨時搞到五勞七傷!

飾演職業殺手嘅佢,當然都要練下身手先見得人啦,結果咪就係周身瘀傷,貼幾多鎮痛貼都無用囉。不過原來呢啲都係小事嚟架,事關佢今日喺IG話自己拍打戲打到手指斷咗筋都唔知,搞到拖延咗幾日先就醫,仲話真正體會到咩叫十指痛歸心,但頂得住喎。連受傷都feel唔到,呢啲咪投入囉!

其實為咗《殺手》呢部劇,龔嘉欣又點只皮外傷,就連色相都犧牲埋架。雖然佢造型係標奇立異咗啲,但睇真啲仲相當性感架。短褲仔晒腿呢啲小兒科啦,成日低胸露線打出東西半球先係精髓。而且佢啲性感唔係俾大家齋睇,仲可以摸到feel到,不過就由佢劇中partner黎耀祥代勞施展胸襲。借位會穿崩咁唔專業,嘉欣唔接受,所以俾視帝祥真胸襲,據知更前前後後一共拍咗16個take添,真係辛苦晒兩位。

龔嘉欣今鋪咁搏命,唔通想繼2016年憑《幕後玩家》贏得「最佳女配角」後,希望藉《殺手》再下一城?咁就真係拭目以待喇。


鍾意就快D Share啦!