掃呢頁CODE去手機

2018年10月8日 星期一

陳智燊:正面曝光!新手爸爸陳智燊晒仔仔萌照 __,陳智燊,

Jason晒出仔仔萌照。藝人陳智燊(Jason)與太太宋熙年的首個愛情結晶品,今個月頭已經出咗世,初為人父、人母嘅佢哋心情相當興奮,今日Jason就上 ...


Jason晒出仔仔萌照。


藝人陳智燊(Jason)與太太宋熙年的首個愛情結晶品,今個月頭已經出咗世,初為人父、人母嘅佢哋心情相當興奮,今日Jason就上載囝囝張正面照同大家開心Share,見B仔眼仔睩睩、精靈可愛。Jason問大家覺得囝囝似邊個多啲?佢就認為囝囝隻眼似媽媽,但係鼻同嘴就似爸爸,仲話依家兩公婆都愛錫到個仔不得了呀。

囝囝依家1個幾月大,Jason早前佢去咗德國拍攝,返港後亦拍咗兩個廣告同唔同嘅節目,未有時間睇之前影嘅相片同影片,佢睇番BB未出院嗰陣喺腳上嘅牌仔謂:「好開心,當佢未有名,佢係宋熙年的BB,成件事係好感動。」Jason指囝囝出世嗰陣,覺得佢五官很標緻,生得似媽媽,但依家佢口大鼻大,有好多朋友都覺得佢似自己,佢話:「我覺得佢眼嘅精靈似媽媽的,但其他似我。(相處成點?)好攰呀!哈哈!依家星期一,之前陪月放了兩日假,兩公婆相依為命,佢一喊大家同佢溝通唔到,我哋不停重覆餵奶同掃風,老婆坐完月狀況好好,但佢係冇得瞓嘅,呢樣好戥佢辛苦,今朝我要工作,尋晚老婆盡量畀我瞓多啲,女人都是偉大的。」


來源 source: http://hk.on.cc
鍾意就快D Share啦!