人稱「白鞋蕭」的蕭承忠，早年替恒基等地產商收購舊樓，與恒基主席「四叔」李兆基感情深厚。現年90歲的四叔近年深居簡出，蕭承忠是少數可直接會見四叔的人，謂「有事就揾佢」。他透露四叔現時身體健康，仍喜愛游泳，在家中泳池習泳，一次起碼能游半小時。
觀乎蕭承忠，柒黑得發亮的頭髮被梳得貼貼服服，身上穿的是花俏襯衫，下身則是筆直西褲，衣著一絲不苛，不過最顯眼莫過於那雙亮白的新潮「忍者鞋」。「以前搵唔到錢嘛，搵唔到錢白飯魚都要著。」
人生七十古來稀，蕭承忠先後開地產公司及中醫診所，近年還在尖沙咀開了一家酒樓，就如現時流行「斜槓青年」，一人身兼多職。蕭笑言自己是飲食界新手，起初開酒樓不是他的主意，是好友邀他一同合伙，惟這四個拍檔因為生意不濟而相繼退出，至今生意仍是蝕本，「我的個性永不言敗，惟有守住。」他坦言自己「唔衰得」。
蕭承忠常將「永不言敗」四字掛在口邊。前特首董建華在98年擬推中藥港計劃，蕭投資達四千萬元，最終計劃卻胎死腹中。不過，蕭仍自立門戶，現於佐敦開了中醫診所。他自十幾歲起就習醫，跟隨山藥師傅及和尚上山採藥。心繫醫術，卻沒在年輕時當上醫師，他坦言：「做中醫係搵唔到錢架！」他解釋，若要做個賺錢的醫師，則可能病向「錢」中醫，為了多賺醫藥費而耽誤病情，醫人隨時變成害人。
蕭承忠年輕時住大窩口徙置區，其大伯蕭良德在金山地產當會計，於是在六十年代就隨大伯入行任地產經紀，結識了一些新界鄉仕及發展商，淡然道：「啱啱俾我識左李兆基、李嘉誠咁囉。」
他協助四叔收購的舊樓，包括宏安道和電氣道AIA大廈、以及花長達十年收購的西半山美麗臺項目。其中憑九三年恒地收購美麗華賺大錢，搬去半山寶珊道。他亦常伴信和集團主席黃志祥巡地盤，已故信和創辦人黃廷芳見他「計仔多」，亦非常看重他。
「人哋要信得你過！」他憶述當年博取老闆信任，「我周圍去，攞住人哋Letter B（即「乙種換地權益者」），人哋要賣，招攬發展商，啲老細做完（覺得）係真的，咁就一路信（我），一路累積咁去做。」
百厭整蠱回教徒
蕭承忠贏得「收樓王」稱譽，自有他的辦法。他早年曾向傳媒講述，「記得有一幢尖沙咀六層高舊樓，收剩頂樓天台十幾人，他們是回教徒，俾多多錢都唔肯搬，成日怕人呃佢。我同班兄弟度咗條橋，喺條樓梯掛滿豬頭（回教徒視豬為不潔，避之則吉）， 咁佢哋由地下跪到上天台，腳仔都軟埋，最後都賣俾我哋。」
被問及這件三十多年前的往事，蕭承忠坦然回應，「嗰陣時百厭啫，搵啲豬頭整蠱回教徒，今時今日叫我再做我唔會做㗎」他指當年未有強制拍賣政策，「所以有啲手段要出」，而他自從行醫後亦開始明白需要尊重不同宗教。
風山水起，亦有運氣不濟之時。蕭人生最落泊的是在八十年代中期，「當時（銀行）19厘息都好犀利架！」他形容，「屋企啲天花又塌，無錢交管理費，銀行黎追，惟有頂住頂住，捱更又重新再黎過。」著白鞋的習慣大概自那時形成，「當陣時我搵唔到錢嘛，搵唔到錢白飯魚都要著。」著白鞋，就如提醒自己如何捱過一貧如洗的歲月。
誰是他在低谷時的貴人？他哈哈大笑：「貴人咪個腦囉！」
一蚊雞拍賣
「當時恒基啲商場又唔得，咁就叫李兆基唔使租，李兆基個量大，無咩所謂，就借啲野出嚟。」蕭當時獲恒基免卻部分商場約6個月租金，而這些商場本來也是「拍烏蠅」，如元朗合益廣場「當日捉個人去都好難，無車到、無人到。」
鬼主意多多的蕭承忠，在合益廣場前身的「中景墟」搞「一蚊拍賣」，如一包10斤米以一蚊拍賣， 深受師奶歡迎；後期在屯門時代廣場，更以「一蚊」拍賣一層樓，「排到去屯門差館幾百人，搞到夜晚通宵排隊去排」，最終物業仍是以市價出售，同時賺盡宣傳效果。
他接著將荃灣、屯門的部分商場一個個起死回生，賺回管理費，他自己亦得以翻身。「所以今日我都好尊敬四叔，大家共過難關。」
蕭周旋在富豪左右，他稱與富豪的相處之道，是不要跟他們斤斤計較，亦不要功過蓋主。「如果你有錢過老細，老細點會關照你，你本身是經紀黎架嘛！」他笑言有金撈也不戴，「扮淒涼啲」
他籲打工仔要讓老闆感到「物超所值」，「你要自己請纓嘛！你要同老細打一份工，一個月5萬蚊人工，你坐底要同老細賺到6萬蚊，我畀返1萬蚊老細，先會欣賞你架嘛。」他續指，「人哋俾咁多錢培養你，你都應該呀！」
施恩、報恩，是蕭承忠的做人之道，酒樓生意如是。「我今日未必代表我成功，但係我成功之下有好多人受咗個恩惠，令到佢黎報恩。」
「廿幾年前，有對夫婦跟住我做地產⋯⋯做做下佢哋好辛苦，嬲尾恆基李兆基叫我搞個街市，我就畀幾檔豬肉檔佢切豬肉，今時今日佢做咗豬肉批發商，係大型嘅，形成今日佢都係報恩，供給我靚嘅、新鮮嘅豬肉。」他說的是建華集團負責人凌偉業。
咖啡沖涼治中風
他形容夥計亦來報恩。某日他在廚房發現大廚然哥患嚴重主婦手，於是開出藥方，結果不出三日，就將多年來的頑疾治好。蕭形容自此後然哥在酒樓蝕錢下仍捱義氣、用心製點心。治好主婦手，有何神奇配方？「其實佢係廚房染親嘅，一定要用廚房嘅嘢。」讓患者浸用的藥方竟是「加鹽加醋」，再加一種祕方。
蕭稱，他常贈食客幾句，有次見食客中風臉癱，介紹他用「咖啡沖涼」，食客照辦之下果然血管暢通了許多，回來答謝他。其他奇難雜症似乎也難不倒他，他揚言曾為中央高官治好失眠。「現在個啲市長、省長、書記好緊張，有啲訓唔著，黎搵我。」他強調療法因人而異，笑道「最好佢走黎幫襯先」，言下之意，若酒樓人客有需要，他便會「贈佢幾句」。
買點心送療法，你又受不受落？
撰文：邱嘉幸
攝錄：林金展、林志謙
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
