掃呢頁CODE去手機

2018年10月8日 星期一

六年恩怨勾銷 祖兒阿詩關係升溫 __,何韻詩,祖兒,阿詩,容祖兒,

容祖兒前晚在澳門開騷,她表示跟何韻詩的關係「唔係仇人」。
容祖兒前晚在澳門開騷,她表示跟何韻詩的關係「唔係仇人」。何韻詩與容祖兒近日一張同框合照,竟然惹來極大迴響,事關12年祖兒與阿詩的舊愛劉浩龍(師兄)撻着 ...


何韻詩與容祖兒近日一張同框合照,竟然惹來極大迴響,事關12年祖兒與阿詩的舊愛劉浩龍(師兄)撻着,令阿詩被指一度嬲爆斷絕來往。六年恩怨一筆勾銷,對於這張世紀合照,祖兒前晚大方表示跟阿詩「從來都係好友。」而屢傳已和祖兒分手的師兄昨就以「好普通」來形容破冰合照,似是有意淡化祖兒及阿詩再次升溫的關係。

何韻詩、容祖兒和劉浩龍曾經friend到三人行,不過,阿詩的舊愛劉浩龍12年突然與祖兒拍拖,令阿詩跟祖兒擘面絕交,二人六年來即使一同出席活動都沒有合照。不過,隨着「龍兒戀」近年屢傳分手,令祖兒及阿詩關係似乎出現轉機。



指從來係好友

黃耀明上周四在東京開騷後,上載一張東京街頭合照,相中驚見祖兒及阿詩,隨即更成為網民熱話,阿詩更回應叫大家「冷靜啲」。前晚祖兒到澳門出騷,在後台被問到是否跟阿詩重修舊好時,祖兒似有備而來地說:「其實從來冇唔好囉!我諗關係上冇太大問題,喺成件事裏面我自己覺得冇嘢,同埋緣份囉,所以對我嚟講喺咁嘅場合見到係好自然嘅事。」祖兒似與阿詩統一口徑,表示外界反應過激:「影到張相,大家開心,我覺得觀眾亦都好唔冷靜。」



黃耀明與容祖兒及何韻詩等人的一張合照,被網友喻為祖兒及阿詩六年來的「世紀破冰圖」。資料圖片 黃耀明與容祖兒及何韻詩等人的一張合照,被網友喻為祖兒及阿詩六年來的「世紀破冰圖」。資料圖片
【10年】(左起)容祖兒、劉浩龍及何韻詩三人曾經是親密好友,連私下去玩都愛三人行。資料圖片

【10年】

(左起)容祖兒、劉浩龍及何韻詩三人曾經是親密好友,連私下去玩都愛三人行。資料圖片
【12年】祖兒12年於網上撰文認與師兄拍拖,有傳因此令阿詩與二人反面。資料圖片

【12年】

祖兒12年於網上撰文認與師兄拍拖,有傳因此令阿詩與二人反面。資料圖片

之後祖兒似乎想轉移視線,忽然講起陳年舊事:「呢張相實在太多關係喺度,但其實最開心係呢三位女歌手,我、千嬅、阿詩,大概十年前,我哋曾經一齊喺頒獎禮裏面等攞獎。」覺得現在跟阿詩是否好友?祖兒說:「從來都係好友,冇唔好友,你想我哋好差?」祖兒強調未曾跟阿詩反面:「完咗騷大家都有去慶功,當然有傾偈,我哋真係唔係仇人嚟㗎。」阿詩曾在社交平台取消關注祖兒,祖兒解釋:「大家唔好諗多咗,做朋友梗係有唔同階段。」不過問到祖兒,兩人不開心的階段是否已成過去,祖兒就未有正面回應:「總之就OK啦,亦都會係好OK嘅,好難得有班朋友有咁多回憶,大家敍舊話當年,過程係開心。」



昨日劉浩龍現身拜神儀式,他表示「世紀合照」當日他亦在東京,但未有見過祖兒及阿詩。

昨日劉浩龍現身拜神儀式,他表示「世紀合照」當日他亦在東京,但未有見過祖兒及阿詩。

師兄:好普通

有傳師兄當時亦身在日本,不過當問到師兄行蹤,祖兒就扮儍:「好似係喎,其實大家睇到啲新聞有自己聯想,我講大家未必信,我唔講大家猜想,我覺得唔需要解釋咁多。」問到覺得三人是否可以跟以前一樣是好朋友,祖兒說:「冇嘢冇可能㗎,係咪先,你哋想嘅話,驚你哋受唔住呀,哈哈哈!」阿詩與師兄仍是朋友嗎?她回答說:「除咗家人咪朋友囉!」

至於另一當事人的師兄昨在紅館綵排慈善音樂會,提到女友祖兒跟阿詩的「世紀合照」,師兄說似在淡化二人的關係:「我覺得好普通,成班朋友去支持明哥,呢張相好緊要,係代表我哋好團結,香港嘅歌手一齊去支持明哥。」不過當時身在東京的他卻未有捧明哥場:「冇呀!我同朋友去咗食飯,message咗明哥話去唔到喇!good show」至於有否跟祖兒阿詩遇上,師兄說:「冇撞到喎!我淨係撞到楊千嬅。」

採訪:雷曹

攝影:林賓尼




鍾意就快D Share啦!