2019年2月22日 星期五

賴慰玲:畀許家傑後巷扑濕!賴慰玲拍劇吸盡陽氣 __,許家傑,賴慰玲,

藝人賴慰玲、傅嘉莉(Kelly)及許家傑日前於堅尼地城拍攝無綫新劇《極道怪咖》,講述許家傑精心策劃一場賴慰玲於後巷被人「扑濕」的橋段,沒料她負傷走出馬 ...


藝人賴慰玲、傅嘉莉(Kelly)及許家傑日前於堅尼地城拍攝無綫新劇《極道怪咖》,講述許家傑精心策劃一場賴慰玲於後巷被人「扑濕」的橋段,沒料她負傷走出馬路時,再被大型貨車撞至昏迷。由於要多角度拍攝,故她需不斷被道具木棍扑,期間更要配合高聲尖叫,引來不少市民圍觀。等候埋位時,Kelly與家傑更拿起道具棍打賴慰玲,Kelly亦為「教訓」家傑借位掌摑,場面搞笑。

心癢追個女

首次拍攝被車撞戲份的賴慰玲,笑指起初以為真撞,到場時才知是綠布包住的手推車,即放下心頭大石:「因為之後會加特效,交代我畀架貨車撞,其實撞嗰個位軟腍腍都幾舒服,我又墊晒Pad,所以唔太危險。」劇中有社團背景的她,表示每次拍攝社團開會戲份,逾九成參演均是男人,再加上現場工作人員達三、四十人,可謂吸盡陽氣。

談到好友陳嘉寶日前誕女,賴慰玲透露已第一時間探望,大讚契女又靚又可愛:「我對初生BB有情意結,之前已經買咗衫仔同整咗口水肩畀佢,相信我之後會更瘋狂,買嘢畀契女多過自己個仔,因為女仔嘢好靚。(追個女囉!)一定會,要等我冇咁忙先,或者過多幾年。(嘉寶情緒OK嗎?)佢OK!應該唔會產後抑鬱,佢老公又有幫手。(唔見BB正面相?)等佢慢慢就會上載多啲,當日我都係遠距離影咗張合照咋!」

許家傑回味咀嘴

劇中演一對的家傑與Kelly,開工首日即拍攝咀戲,家傑不諱言兩人首次合作,但以往於電視城經常遇上,早已熟落起來,故拍攝前無需時間磨合已有默契,問到是否對咀戲很回味?他笑說:「當日係蜻蜓點水式咀,就係少少哋先珍貴。(專登NG?)都唔係NG好多次啫!」談到劇集《愛.回家之開心速遞》將加入楊玉梅介入他與「大小姐」林淑敏感情,問有否擔心觀眾投訴?他大派定心丸:「都知觀眾想大小姐同我一齊,最終都應該如大家所願,依家楊玉梅都係加入一集先,睇大家反應再定。」

---------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!
Related Posts Plugin for WordPress, Blogger...