2019年2月22日 星期五

黃翠如:上完床生變熟!黃翠如林文龍拍拖歎雪糕 __,林文龍,黃翠如,

藝人黃翠如與林文龍日前現身中環「拍拖」,文龍自掏腰包請食雪榚。飾演情侶的兩人透露戲中除了拖手及擁抱等指定動作外,劇集開拍之初便要演床戲,認真火辣!無綫 ...


藝人黃翠如與林文龍日前現身中環「拍拖」,文龍自掏腰包請食雪榚。飾演情侶的兩人透露戲中除了拖手及擁抱等指定動作外,劇集開拍之初便要演床戲,認真火辣!

無綫新劇《致所有愛過的人》日前到中環街頭取景,拍攝翠如與文龍甜蜜拍拖的戲份,吸引不少途人圍觀。期間,心情大靚的文龍「萬歲」,請全組工作人員歎雪糕,難怪翠如笑說:「有龍爺(林文龍)嘅地方,我哋一定有口福。(佢成日請食嘢?)好犀利啊!去餐廳攞個Menu就任叫!」難怪兩人指接拍此劇開心之餘,台前幕後亦很團結。

蕭正楠呆坐等收工

雖然首次合作,但兩人已相當熟落,文龍搞笑地頻叫翠如做「蕭Auntie」,搞到她哭笑不得!由於劇中飾演情侶,當中不乏相擁及拖手戲份,但兩人原來在開鏡之初已拍攝床戲,文龍說:「開工幾日就拍!好彩嗰時唔係咁熟,太熟反而難演,拍完嗰場戲我哋就開始熟喇!(覺得翠如呢位拍檔點?)好有主見囉!」問到另一半可有探班「監場」,翠如大方「放閃」說:「早排佢(老公蕭正楠)都有送我去屯門藍地拍外景,佢就坐喺車等我收工,然後一齊去食飯睇戲!」文龍則表示每次外景都路途遙遠:「我都差啲迷路,我老婆點會出現吖!」

劇集還有個多月才煞科,不少重頭撞車戲仍未拍攝,翠如說:「個古仔係由撞車引起嘅,開場同結尾都係嚴重撞車戲,龍爺會攞佢啲名車出嚟協助參與拍攝!」談到今次有不少新演員包括蘇皓兒及李任燊等加入,文龍坦言有火花:「佢哋好似白紙一張,畀到自然嘅感覺,大家有新火花,都係開心嘅。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...