掃呢頁CODE去手機

2013年5月13日 星期一

謝霆鋒三代同歡 栢芝冇份

愛落廚的霆鋒少不得整幾味為生日P添色香味。


謝霆鋒三代同歡 栢芝冇份

昨日母親節,出名孝順的影星謝霆鋒在家中開P,與母親狄波拉、父親謝賢及兩名囝囝共度,順道為昨日三歲生日的細仔Quintus慶祝,三代同堂一樂也玩足半日!霆鋒大仔Lucas更向嫲嫲拉姑獻花,非常乖巧!不過張栢芝未有參加聚會,只在家等候兩子歸家繼續慶祝,看來「鋒芝」果然復合無望。

影星謝賢(四哥)及狄波拉之子謝霆鋒出名孝順,昨日趁母親節兼細仔Quintus(謝振南)三歲生日,即使忙爆亦抽空在位於金鐘的寓所栢舍開P慶祝,一於「氹大又氹細」,平日愛整幾味的「煮飯公」霆鋒亦親自炮製蛋糕,三代同堂非常溫馨!不過回想去年Qunitus生日,霆鋒專程到前妻張栢芝寓所煮早餐,昨日則未見栢芝到場,看來「鋒芝」復合機會愈來愈渺茫。

拉姑見乖孫興奮

昨午12時已有小型客貨車到「鋒宅」外,工人將兩大束氣球送上樓,相信是為派對作布置。下午二時後,謝氏大軍紛紛殺到,拉姑先與現任老公鬍鬚Kong搭的士到埗,並急急步入大堂等候,兩人明顯事先夾定服裝,以黃色和白色為主打,非常Sharp醒!未幾,Lucas(謝振軒)與Quintus由兩名工人抱住到場,兩位小寶貝精靈活潑,面對記者鏡頭依然笑曬口,並經過悉心打扮非常「老積」,Lucas身穿黑褸白恤配黑褲,並手執鮮花,Quintus則穿格仔褸恤衫配灰褲,進入大堂後Lucas見到嫲嫲拉姑即表現興奮,落地將手上的鮮花獻給拉姑,氹得拉姑笑逐顏開蹲低收花。

Quintus執到正慶祝三歲生日,大個仔的他和之前樣貌有所改變。
  • Quintus執到正慶祝三歲生日,大個仔的他和之前樣貌有所改變。
Quintus之前樣貌。
  • Quintus之前樣貌。

四哥爆勁多禮物

其後,一身黑白配的四哥搭的士到場,他發現記者後即說:「咁醒嘅?你哋又喺度?」問到是否為愛孫慶生?他說:「你哋又知嘅,算係啩!(順便慶祝母親節?)都係啦!(買咗咩禮物?)唔使買啦!上面有好多。」至約兩時四十五分,霆鋒胞妹婷婷獨自現身,其後有送貨人員速遞兩大盒蛋糕上樓。盡興了一個下午,Lucas及Quintus於晚上約七時半由工人抱著離開,並乘車返栢芝於馬己仙峽道寓所,到埗後司機在車尾箱執拾禮物,但保安見到記者即現身阻攔。至約八時半,鬍鬚Kong離開栢舍,讓謝家四口繼續慶祝。

栢芝避席Quintus的生日會,看來鋒芝復合機會甚微。
  • 栢芝避席Quintus的生日會,看來鋒芝復合機會甚微。
拉姑興奮得烏低身收Lucas送的花。
  • 拉姑興奮得烏低身收Lucas送的花。
玩到累了的Lucas由工人抱著離開。
  • 玩到累了的Lucas由工人抱著離開。

四哥昨日接受電話訪問時承認霆鋒親自炮製蛋糕,但主菜則是叫外賣,他說:「我同啲孫仔玩得好開心!(幾耐冇見?)兩、三星期啦!(都幾密。)見得就見啦!(栢芝有冇嚟?)梗係唔喺度啦!」

四哥(圖)、鬍鬚Kong開心到場。
  • 四哥(圖)、鬍鬚Kong開心到場。
鬍鬚Kong
  • 鬍鬚Kong
工作人員將大批氣球送上樓。
  • 工作人員將大批氣球送上樓。

文:影視組



鍾意就快D Share啦!