2013年5月24日 星期五

澳門直擊 短訊錄音斷正賣淫 藍莓陪佬酒店開房 劉俐, 藍莓,





拖手上車

兩小時後,西裝男與藍莓離開食肆。西裝男更示意手下為藍莓攞手袋。

大封面

澳門直擊 短訊錄音斷正賣淫 藍莓陪佬酒店開房

娛樂圈內一直盛傳Ⴡ模飯局、伴遊或陪瞓有價有市。最近本刊收到線報,指「味之天使」之一、林峯前緋聞女友「藍莓」(原名劉俐)頻頻到澳門陪客。當中更有一段電話短訊及錄音,內容是藍莓與富豪的中間人對話,其中提到藍莓的過夜價為 25萬。而藍莓更主動提出陪客日期,又強調會面地點要隱秘,並要求中間人刪除兩人對話內容,十分小心。

記者連日追訪,上周二( 14日)晚,發現藍莓鬼祟獨自過澳門,和一名年約四十歲的西裝男飯敍,之後約十時許,藍莓更乘坐男方的七人車,齊齊到星際酒店並上了酒店房。記者守候至淩晨二時,仍未見兩人離開。就陪客上房一事求證藍莓,她前言不對後語,一時話「食完飯就走」,一時又話「唱 K到淩晨」,愈答愈亂。

現年 23歲的「藍莓」(英文名 Kibby), 09年憑「味之天使」晉身娛樂圈,不時跟住前無綫監製錢國偉搵食。入行多年,藍莓只局限於性感花瓶角色,反而花邊新聞不絕,不時被影到黐名人及富二代,最廣為人知是 11年與林峯夜蒲傳緋聞。

雖然事業平平,但藍莓近年突然富貴,出道不久已由彩雲邨公屋搬去月租萬元的紅磡酒店式住宅海韻軒,近年更升呢月租三萬元譽港灣。愈住愈富貴外,她近日更向身邊好友曬命,想買車代步。

不停 WhatsApp
上周二( 14日)晚上 8時到達澳門後,藍莓不停 WhatsApp,不久就有一輛七人車到碼頭接載她。

猛男護送
一名年約四十的西裝男和藍莓一同下車,兩人搭苢到北京街一間食肆用膳。

上房盡興
十時許,西裝男輕攬藍莓纖腰下車,兩人搭苢直上酒店房,至淩晨二時仍未離開。

飯局後往酒店
本刊最近收到她與富豪中間人的一些短訊及錄音,內容涉及陪老細開房。記者連日追訪, 5月 14日晚上六時許,發現藍莓獨個兒欲乘搭直升機赴澳門會西裝友。不過,當日因天氣欠佳,直升機航班臨時取消,藍莓最後被迫改坐船。藍莓抵達澳門碼頭後,不時左望右望,未幾,即有一輛黑色七人車接載藍莓到北京街一間樓上食肆晚膳。

食到十時許,藍莓與四名男性一同落樓,其中一名年約四十歲的西裝男和藍莓十分親密,既拖住藍莓玉手,又指揮手下為藍莓攞手袋。五人一同上了七人車,齊齊駛往星際酒店。抵埗後,下車的只有藍莓及西裝男,二人急步搭苢上酒店房。記者守候至淩晨二時,未見藍莓離開。

藍莓喜愛在 facebook曬大頭照,從她拍照背景,可見她正身處酒店大牀上。

林峯和潘霜霜分手後,藍莓曾被發現同林峯親密夜蒲,之後她多了不少工作機會。依家睇番,藍莓個鼻比當年高咗,對眼大咗。

短訊爆過夜價 25萬
藍莓與富豪中間人的電話 WhatsApp短訊,清楚顯示了雙方對交易細節的拉鋸過程。

問客底細
藍莓以有限英文問完中間人該客人國籍,再問他年紀,甚至籍貫,知道是廣東人才放心。

要求「 fast job」
藍莓問中間人是不是「 fast job」。「 Fast job」是行內術語,即是「只性交一次」的意思。中間人提價 25萬,藍莓就吊對方癮。

要求刪除短訊
在對話當中,藍莓多次要求中間人刪除之前的對話,似乎不欲留下任何交易痕跡。

確定交易日
藍莓主動向中間人提出,可以在周日同富豪過夜,中間人就向她確定時間以及肉金數目。

私竇飯局
中間人表示富豪想同藍莓飯局,藍莓用港式英文表示:「在香港我不能和他在外面食飯。」直至中間人話可以找秘竇食飯,藍莓才肯應承,最後確定 4號交易。

慌張回應
周日( 19日),記者詢問藍莓時,她愈答愈慌張,不斷ⱑ頭,又擰身擰勢,而記者叫她揸住用來錄音的電話,亦愈放愈低。

前言不對後語
周日( 19日),記者就去澳門一事詢問藍莓。藍莓最初話去澳門係同朋友慶祝生日,「食完生日飯就走」。之後又改口話「上咗酒店房唱 K,唱到淩晨」。只見她邊答邊將頭擰來擰去,表現不安,答到亂曬龍。

記:上個禮拜二( 14日)有人見到你喺上環信德碼頭出現,返大陸定去澳門?

藍:去澳門,有朋友生日請食飯,食完飯就走啦!

記:冇入酒店賭場咩?

藍:唔入賭場啦!賭場唔啱我嘅,我都唔鍾意賭錢。

記:有人見到你入咗星際酒店。

藍:(呆一呆)……我入去同朋友唱 K。

記:唔係上咗房咩?

藍:我唔係好熟澳門……係上咗房唱 K,唱到淩晨呀!

記:最近咁多報道話Ⴡ模去澳門『送外賣』賺外快,你唔怕俾人誤會咩?

藍:正常人都會去酒店啦!唔一定係做嗰啲嘢㗎嘛……而且嗰度有咁多門口,我走咗都冇人知啦。

記:有人見你同個男人上酒店房。

藍︰……嗰個冇錯係男性朋友,不過仲有其他人。呢個世界唔係男就係女㗎啦!我唔會理人點睇!(答完記者後,藍莓一轉頭就不停講電話,樣子緊張。)

愈住愈豪
入行初期,藍莓與家人只住彩雲邨(左下圖),但不久藍莓便突然富貴,先是搬去月租萬元的酒店式住宅海韻軒,去年更加住月租三萬的譽港灣(右下圖)。

《 FACE》圖片

交易錄音曝光
本刊另有一段電話錄音,內容緊隨交易 WhatsApp,是中間人致電藍莓確定交易地點及日期的過程。

中間人:喂! Kibby,我想同你 comfirm星期六,你去到靜啲嘅環境同你講,還是依家講。

藍 莓:我喺的士,你不如照講啦。

中間人: Confirm星期六㗎啦。

藍 莓: 4號吖嘛,我知㗎喇!

中間人: 9點鐘,到時老細都會 book多間房,咁我就 WhatsApp你,好似平時一般咁俾個房 number你,你去攞匙卡。咁我會過嚟喺房數清楚 26萬啲錢,然後我先叫老細過來,好冇?

藍 莓:…… OK!

中間人:咁到時我擺張匙卡喺 reception。你去攞啦!到時我去房同你搞清楚啲錢先開始!

藍 莓: OK!好呀。

中間人:咁記得,係 overnight。你放心, XX(客人名稱)好斯文,無乜嘢,希望大家搞得好好哋,第二次搵番你。

藍 莓:唔!喺邊間(酒店)?

中間人: L Hotel,我 WhatsApp個地址俾你。

藍 莓:港島區吖嘛?

中間人:係,喺黃竹坑,我再 WhatsApp你,拜拜。

藍 莓:拜拜。

黐富二代闢財路
其實近年未獲無綫簽約做親生女的藍莓,工作不多,惟有另闢財路。喜愛夜蒲的藍莓,除了不時黐錢國偉外,蒲友亦升呢,之前她不時在 facebook大曬自己同唐貝詩、何超盈的夜蒲照,更有不少三點式火辣照片,有好身材絕不介意同人分享。

「 Kibby之前成日黐住 Lydia(唐貝詩)、何超盈、 Howard(林建名兒子林孝信)同 Carmen(楊海成女兒楊嘉明)去蒲,不過最近佢哋喺夜店 Volar飲飲吓嘢,突然有個中年男人走埋嚟攬住 Kibby,鬼咁猥瑣。當時 Kibby面有難色但又冇推開個男人,大家都心知咩事啦,自然開始疏遠佢。」知情人士說。

藍莓在《法網狙擊》曾色誘白健恩。白健恩早前被斷正做鴨男,看來兩人一如字幕所言,真係要減壓。

餓男攬啜

藍莓愛夜蒲,在網上大曬和男性的親密照亦冇所謂。

黐超盈蒲

藍莓與何超盈老友鬼鬼,在藍莓 facebook內可見她與超盈多張貼面夜蒲合照。

藍莓亦試過孖住唐貝詩出席慧妍雅集舞會,嘗試打入上流社會滋味。

孖錢國偉飯局

本月 8日,藍莓和蒲友監製錢國偉在長沙灣飯局,眾人自動波預留錢國偉身邊的位置俾藍莓,突顯藍莓和錢國偉親密關係。

當晚飯局有六女二男,主人家錢國偉說話唔多,反而其男性友人就主動同靚女傾偈。不過藍莓貴人事忙,坐了一小時左右就走先。

放風拍性感戲
遭富二代蒲友唾棄,藍莓惟有改ⱑ無綫拍劇,做二打六都冇計。雖然她在新劇《情越海岸線》中,只是飾演閒角,但逢宣傳必到,更不介意穿上三點式為新劇拍宣傳片,可見她十分戮力 keep住曝光率。

此外,她亦十分清楚自己賣點,在新劇記招中,頻頻向記者放風,強調不介意拍性感戲,又話現在擇偶以「經濟能力為考慮條件,要照顧到自己」,目標非常明確。

賣肉花瓶
23歲嘅劉俐,初中開始任兼職模特兒, 09年在夜場認識前 TVB監製錢國偉,因此得以在《美女廚房》飾演美味天使「藍莓」。此後她亦曾在《誰家灶頭無煙火》、《街坊廚神》演出,惟戲份都是性感花瓶角色。

藍莓亦曾在電視電影《南葉夢飛翔》演出,不過仍是要賣弄性感。

在《美女廚房》,藍莓大賣 43吋長腿及甜美笑容,輕易贏取宅男歡心。

在《情越海岸線》,藍莓雖然只是飾演度假屋店員,戲份不多,但她在宣傳片上大賣身材,成功吸睛。

過夜貴過 Fast job
Ⴡ模、明星從事不道德交易是公開秘密,這些交易全靠一班「中間人」穿針引線。這些中間人活躍於夜店及私人會所,與富豪及愛蒲的女星熟稔。

當富豪要求中間人介紹心水女星出席富豪飯局時,中間人通常會要求客人先俾一半作為訂金,在服務前再交餘額才進行服務。中間人每次交易就收取數千至數萬元作為傭金,視乎女星身價而定。但亦有部分女星想賺到盡,不甘被抽傭,而選擇直接和富豪聯絡。

「除咗過夜價,亦有所謂嘅『 fast job價』,即係『快食只性交一次』。由於唔使陪老細過夜,『 fast job價』比『過夜價』平二至三成。以藍莓為例,佢過夜價約 25萬,中間人開價好參差,因為客源不同,一般會抽傭 30%,而『 fast job價』就 20萬搞掂。」某中間人說。
其他影片
  • 藍梅接客短訊曝光




IG: https://www.instagram.com/p/ByKV-rBFUNR/




【美女廚房】美味天使藍莓變拉丁舞高手 劉俐:想做穩定工作

 
最後更新日期:
大家仲認唔認得佢哋係邊個?(網上圖片)

大家仲認唔認得佢哋係邊個?(網上圖片)

 

新一輯《美女廚房》早前就已經拍畢最後一集,3位主持以及一班「美女學徒」更在IG上貼文表達依依不捨的心情。話說回來,提到《美女廚房》就梗係要講當時節目中的6位「美味天使」:劉俐(藍莓)、陳蕊蕊(柑桔)、王淑玲(香蕉)、丁樂鍶(腸粉)、王寶寶(春卷)、梁懿晴(豆沙包)。當年6位真的是堪稱是宅男界女神,更是不少男性朝思夢想的對象。《美女廚房》第二輯已經結束了9年,雖然6位「美味天使」中還有幾位留在娛樂發展,但某些已遠離娛樂圈另覓出路,「美味天使」中的劉俐(藍莓)就其中一個例子。

 
劉俐(藍莓)喺拉丁舞比賽都有攞過獎㗎,不過佢就好謙虛話只係小型比賽,而咁啱參加嘅界別又少人報名,佢先有機會攞獎。(Instagram圖片)

劉俐(藍莓)喺拉丁舞比賽都有攞過獎㗎,不過佢就好謙虛話只係小型比賽,而咁啱參加嘅界別又少人報名,佢先有機會攞獎。(Instagram圖片)

 

「美味天使」藍莓已是9年前的名字

劉俐(藍莓)最近在舞蹈界發展的相當不錯,不時參加一些公開的拉丁舞比賽。據知在今年6月份,藍莓更以6人小組方式去了深圳參加公開賽。除此之外,她更有受邀出席舞蹈表現。現時正在澳洲放假旅行的藍莓接受《香港01》訪問,她說:「拉丁舞都只係興趣,大約學咗兩年左右。(拉丁舞比賽有攞過獎?)有㗎,但有時我果組比賽項目唔多人參加,拎咗獎都唔啲值得炫耀嘅事,等我學多十年勁啲再講啦。」問到最近的工作動向,她說:「之前喺時裝批發返Customer Services做咗年幾,旅行前啱啱辭職,當然我都想試下其它工作種類學嘢。其實宜家想Keep住做穩定實質嘅工作,始終圈外工作穩定啲,一定要搵 ,不過間唔中有幕前嘅嘢可以幫補家計都好開心啦。(放完假之後,圈外工作有冇話搵邊類?)其實我個人比較怕醜,唔敢主動搵,上次份工都係上網search 全職網搵。」

 
雖然已經隔咗差唔多10年,但係網民仲會時不時提起「美味天使」藍莓。(Instagram圖片)

雖然已經隔咗差唔多10年,但係網民仲會時不時提起「美味天使」藍莓。(Instagram圖片)

 

藍莓4年前不獲TVB續約,淡出娛圈

談及轉行淡出娛樂圈的原因,劉俐(藍莓)說:「嗰陣2014年完約公司(TVB)無傾續約,有其它合作最後都傾唔岩。喺香港Hea咗半年去咗上海一年做親戚間公司做零件做下打雜 包裝等等,之後又返黎香港,其實都有Keep住嘗試做唔同既工作。我仲記得第一次喺信和返工,要介紹護膚品產品畀客時,係緊張到面紅口窒,之後好快適應到,所以萬事起頭難。只要肯學慢慢累積經驗,每一份工都有佢嘅成功感。當然我都深深感受到每一份工都唔易做,好彩嘅係之前遇到既上司都好Nice。」

 
唔覺唔覺,當時大家心目中嘅女神就已經28歲啦。(Instagram圖片)

唔覺唔覺,當時大家心目中嘅女神就已經28歲啦。(Instagram圖片)

 

由宅男女神變成普通上班族

2014年後,藍莓決定遠離香港到上海生活打工,再之後回港工作,其實都有一段適應期。她坦言初次以售貨員面對群眾時也會尷尬、面紅口窒。「開始嘅時候會失落同唔慣,好在屋企人俾好大精神嘅支持,同埋我keep住同自己講一切都是上天最好的安排。冇人可以改變過去,做人應該要努力成為更好嘅自己,唔一定要物質上嘅富有,而係你嘅思想、精神上富有而每日又有進步。」

 
藍莓話初時覺得拉丁舞唔係「老土」,但學咗先發現原來啲動作好靚,最後仲鍾意咗拉丁舞。藍莓仲話想同佢一齊學拉丁舞嘅可以去尖沙咀搵佢添。(Instagram圖片)

藍莓話初時覺得拉丁舞唔係「老土」,但學咗先發現原來啲動作好靚,最後仲鍾意咗拉丁舞。藍莓仲話想同佢一齊學拉丁舞嘅可以去尖沙咀搵佢添。(Instagram圖片)

 

做回自己就是最開心放鬆

回顧以往娛樂圈五光十色、紙醉金迷的生活,再從中淡出,藍莓似乎更享受現在生活。「坦白講,我反而覺得依家嘅我係最開心同放鬆自在,以前會好拘謹唔知點做返真正既自己,會好介意人地嘅眼光,但其實根本無人會在意。依家簡簡單單先係應該過嘅日子。我亦都唔覺以前做藝人係特別巴閉,除非真係有才華人品好嘅先值得尊重。」比起娛樂圈,藍莓更喜愛現在做普通工作,閒時到舞室學拉丁舞的生活。

 

美味天使藍莓(劉俐)舊照:

 
美味天使藍莓(劉俐)(視覺中國)

美味天使藍莓(劉俐)(視覺中國)

+9
 

劉俐近照:

 

 
鍾意就快D Share啦!
Related Posts Plugin for WordPress, Blogger...