全城熱爆的娛樂八封新聞 & 時事趣聞 & 生活 + 趣聞
網民真係好有心，除咗 cap圖，仲要改埋本港台 logo落去，仲要加長到 2分 46秒嘅連續笑聲，講真連 FBI都頂唔住！
《 May姐有請》呢個飲食節目，基本上幾啱阿媽睇，有美食又有美女，係乜都要落雞汁 hard sell啲，最近仲有網民發現咗雞汁 May嘅笑聲原來幾「特別」，聽得多都真係幾煩，難為觀眾，所以有人就為佢嘅笑聲剪接，整成惡搞版放上 YouTube。咁佢身邊嘅沈卓盈（ Jessie）又頂唔頂得住呢？
Jessie同 FBI講：「 May姐係我哋嘅開心果嚟㗎！咁傾偈大家心情都好開心，只係笑法唔一樣啫，呢啲嘢冇得批評喎，希望觀眾可以正面啲去睇啦！」
上週日（ 22日） May姐請咗許冠文做嘉賓，其間又係笑到唔停得口，雖然見番老朋友係開心，都唔好笑多過傾呀！
版本多
有埋鈴聲 May姐嘅笑聲已經被網民改編成多個唔同版本，有合輯版、笑聲看地球版，最新仲有埋鈴聲添！網民咁支持， May姐可以盡情笑落去喎！
