IQ考考笑
湯盈盈開題：大口仔搽紅唇膏（估一個英文生字）
有冇發覺近呢幾期嘅考考笑有難度呢？今期仲要由鬼妹湯盈盈出條英文題考考大家，好彩嘅係佢用中文問，大家一定聽得明，只怕大家認識嘅英文生字有限啫！
麥長青：我英文差！
麥包一聽到要考佢 IQ題時表情仲好輕鬆，但知道係英文題就即時耍手話自己英文差，仲反問：「大口仔幾時搽過紅唇膏？」話明係 IQ題，當然要用吓腦啦。俾咗好明顯嘅提示之後，麥包終於答到。
王君馨：咁都俾我撞到！
起初以為都係鬼妹仔嘅王君馨對英文題冇有怕，點知都係要提吓呢個英文字有三個讀音先估得中：「哎烈焚（ Elephant）？屙零住？（ Orange）？我估到喇！係 XXX呢！」 XXX係咩？大家揭去後頁睇答案啦喂！
王梓軒：難唔到我囉！
唯一一個唔需要 tips估中呢條英文 IQ題嘅王梓軒，其間不停揼波鐘：「可唔可以用英文講一次？我可能會快啲估中！」最後未講答案出嚟，就一味奸笑話：「好爛呀！」。唔覺喎，起碼你估到，證明都合邏輯啦。
滕麗名：我盡曬力喇！
滕麗名平時玩遊戲可以好癲，但臨近婚期竟收斂曬，加上患大傷風所以腦力下降。 Dead air咗成分鐘，第一句答嘅係：「大紅唇！」好貼近，答到第 3次就答啱，時間雖然係耐咗，但係見佢咁認真又估得中，算好叻㗎喇！
|
鍾意就快D Share啦！
|
|
|
