2013年11月12日 星期二

細細粒捧場整喊浩南

video


細細粒捧場整喊浩南

細細粒尾場現身撐 整喊爆肌浩南

鄭伊健、陳小春、謝天華、錢嘉樂和林曉峰前晚在紅館演出「歲月友情演唱會」尾場,五位「古惑嫂」蒙嘉慧、應采兒、Tina、湯盈盈及康子妮照舊睇足全場,湯盈盈更帶埋囡囡,其他睇騷嘉賓除了佘詩曼和苗僑偉夫婦等外,最令人驚喜是「細細粒」黎姿也來捧場。08年嫁給商人馬廷強後便淡出幕前的黎姿現身時全場起哄,她坐在伊健嫂蒙嘉慧身邊睇足全場,且非常投入,不時手舞足蹈及開懷大笑。



【真假浩南嫂】

■「細細粒」黎姿現身坐在蒙嘉慧(左)旁睇騷,掀起演唱會高潮。

小春聞叫雞不悅

「浩南」伊健在台上說:「大家都好興奮,因為好耐冇見黎姿,我哋拍戲識,佢係我第一個演唱會嘉賓,之後上海演唱會佢又救駕做我嘉賓,嗰陣年紀小唔識感激,𠵱家想講好感激佢。」此時林曉峰踢爆伊健想哭,見伊健立刻用手抹一抹眼,場面感人。

台上林曉峰又重提《古惑仔》的劇情,他提到小春跟伊健在戲內互摑,皆因小春工作時去了「叫雞」,此話一出,小春即面露不悅說:「你仲講呀?」第二次安哥時,眾人再唱《友情歲月》,嘉樂、天華及林曉峰也除去上衣騷肌,伊健也拉低風褸拉鏈,只有小春拉到上頸,非常「惜肉」!但他又無厘頭扮fans大叫:「梁振英!梁振英!」嘉樂則笑言:「你應該叫羅家英!羅家英!」



■伊健被黎姿搞到眼濕濕,要抹一抹眼淚(小圖)。



■林曉峰(左)與鄭伊健齊齊chok爆除衫,鬥騷肌肉!



■嘉樂和天華(右)半裸上陣,惟獨小春(左)惜肉如金。

其後眾人在慶功宴上接受訪問,伊健大讚黎姿有情有義:「佢可以唔嚟,最後都有嚟睇,起初係林曉峰send訊息問佢,之後YoYo(蒙嘉慧)再約佢食飯傾。」提到惟獨小春於尾段不露肉,嘉樂即笑他:「太太惡曬。」問小春被重提電影角色「叫雞」是否不悅?他再面色一沉說:「我係有少少唔舒服,現場好多小朋友。」

採訪:王連連

攝影:陳俊強



■五位古惑佬希望能開演唱會part 2。



■(左起)阿佘、盈盈抱囡囡、Toby和周家蔚在後台合照。

逢周五隨《蘋果日報》附送嘅時尚美容雜誌《add》雖然早已派完;

拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!



鍾意就快D Share啦!
Related Posts Plugin for WordPress, Blogger...