掃呢頁CODE去手機

2013年11月6日 星期三

婚姻勿語 結婚唔認 拍拖禁提 人妻楊采妮玩謝黎芷珊 黎芷珊,楊采妮,MF,




Charlie和男友邱韶智結婚,貫徹一貫低調作風,宴請了 20位圈中人,好姊妹梁詠琪、袁詠儀、李心潔、許茹芸等都有到賀。《蘋果日報》圖片

真面目

婚姻勿語 結婚唔認 拍拖禁提 人妻楊采妮玩謝黎芷珊

上週一晚爆出 39歲楊采妮與分完又合的 43歲男友邱韶智婚訊,兩人更於上週六( 2日)於新加坡完婚。一對新人離合 20年,始終不離不棄 happy ending。

不過,有人開心有人愁,據知楊采妮早前曾接受黎芷珊《最佳女主角》訪問,但在錄好的訪問中,楊采妮封口不提婚訊,甚至連與男友的感情生活都講不得。

據知,黎芷珊為求挽回面子,計劃將 Charlie原先兩集剪輯濃縮成一集,於本週四播出,將 Charlie的感情話題大量刪剪,加插婚照補救。人妻 Charlie今次真係玩謝黎芷珊!

據知,原先楊采妮錄好的兩集《最佳女主角》,黎芷珊當然問到 Charlie現時的感情狀況,當時 Charlie不停「遊花園」,黎芷珊用盡方法, Charlie亦只肯承認以前跟邱韶智做生意時,兩人是情侶關係,但對於現時感情狀況, Charlie全部落閘。

Charlie與邱韶智結束 16年愛情長跑,上週六在新加坡聖淘沙灣 W酒店舉行婚禮,二人其中一張的結婚相,老公輕吻索妻 Charlie, sweet到爆!

原本 Charlie的訪問排在趙薇之前播出,但因臨時爆出婚訊而要臨時抽起,本刊致電黎芷珊,她才說訪問會於本週四播出。電視圖片

齋嫁邱韶智

婚禮晚宴中,除了有西餐,還有齋菜供親友選擇,而當晚的 cupcake,是 Charlie親自挑選的。網上圖片

Charlie知道好姊妹梁詠琪的母親和一些親友茹素,所以在婚宴特意加多上齋菜菜式,餐單中,分別有西餐和齋菜供賓客選擇。

其中西餐的餐單包括:前菜—吞拿魚他他;餐湯—番茄龍蝦湯;主菜—澳洲西冷牛扒和香煎煙鴨胸。

拍拖都唔認

直至 Charlie宣布婚訊,無綫大亂陣腳,馬上抽起 Charlie的訪問再剪輯,但據聞無綫不會再找 Charlie補訪問,唔通堅嬲?

已播出的幾位「最佳女主角」,大多願意暢所欲言,甚至「 So」畀無綫造話題,好似靚靚袁詠儀大談以往被封「小三」的感情生活,和壓軸劉嘉玲重提綁架風波等,但楊采妮則講多句都嫌費事。「其實 Charlie嘅訪問喺年頭已經錄好,芷珊當時有問到 Charlie嘅感情狀況,不過 Charlie就答得好小心,唔肯認又唔否認,連有冇拍拖都唔講,更何況結婚。不過芷珊估都估唔到, Charlie會突然宣布結婚,搞到要嗱嗱聲諗計拆彈,保住自己個金漆招牌。」知情人士透露。

上週二( 29日), Charlie終於在微博宣布,與新加坡男友邱韶智結婚,兩人於本月 2日在新加坡聖淘沙灣 W酒店舉行婚禮,筵開 30席並邀請圈中 20位好友。

姊妹做 MC

網上圖片

Charlie和邱韶智的婚宴中,一班好友齊齊到賀,其中梁詠琪和李心潔更獻出了「第一次」擔當司儀, GiGi負責英文部分,心潔就負責普通話部分。

獨欠莫文蔚

Charlie大婚,身邊好姊妹當然要到場祝賀,不過獨欠莫文蔚,據聞近年 Karen甚少出席姊妹活動,愈來愈疏離。

網上圖片

復合之旅

網上圖片

11年,四姊妹 Charlie、 GiGi、許茹芸和李心潔一齊到馬來西亞旅行,據知這次是 Charlie和男友邱韶智的復合之旅,邱韶智更擔任導遊安排行程,幾位好姊妹為好友一直守住秘密。

兩集變一集

Charlie一心想做導演,完成首個執導作品《聖誕玫瑰》後,疊埋心水成為人妻。

Charlie同男友邱韶智結束 16年愛情長跑,正式由玉女掌門人榮升人妻,圈中好友都送上祝福,但黎芷珊就非常頭痕。本週一( 4日),本刊致電黎芷珊,她無奈地說:「其實 Charlie嗰兩集一早已經錄好,不過訪問中佢就冇講過會結婚!(有冇問佢𠵱家有冇男朋友?)佢冇認亦都冇否認,不過有講以前同邱韶智做生意失敗嘅事,承認當時兩人係情侶關係。(會唔會有新安排,再錄過?)𠵱家仲剪緊段片,仲未知會剪成點,不過會喺訪問前加番少少 Charlie嘅最新消息,今個月 7日如常出街。(會唔會嬲 Charlie?)其實我會尊重番嘉賓嘅意願。」難得 timing咁啱,可能仲多人睇呢!

誰是放料人?

和邱韶智的婚訊, Charlie直到今年 6月才陸續通知親友,一對新人一向低調,起初決定不向傳媒公布,並打算結婚後才向傳媒發放結婚相片。誰知婚禮前幾天,忽然在香港和台灣爆出新聞,據聞香港一眾圈中好友,為避嫌都盡量封口;不過亦有些賓客向傳媒暢談,好似小美高調地在機場接受訪問,又大曬城城送給 Charlie的結婚禮物,不過莫論誰是二五,結婚是一件開心事,分享吓都好嘅!

郭富城和 Charlie相識多年,但城城因有工作在身,未有前往新加坡出席婚禮,而另一位好友金城武,據聞 Charlie不想傳媒重提緋聞,沒有邀請對方。電視圖片

郭富城為 Charlie準備了鑽石頸鏈,是兩人 20年前拍攝珠寶廣告的品牌,由經理人小美代送。《蘋果日報》圖片



鍾意就快D Share啦!