中環我最靚 Sammi Sammi,鄭秀文,MW,

11月 5日　陰

地點：中環港鐵站附近

時間：下午

溫度： 24℃

媽咪姐

中環我最靚 Sammi

四年冇出廣東碟嘅 Sammi，下月終於發市，推出以愛做主題嘅大碟《 Love Is Love》，早幾日佢仲落中環拍新歌〈一追再追〉嘅 MV。家陣與男友許志安同居嘅 Sammi，日日有愛情滋潤，難怪零舍醒神。

拍攝當日， Sammi企喺大玻璃箱入面，表現憂鬱情緒，雖然現場有唔少市民圍觀，但 Sammi話咁快進入狀態，拍唔夠一個鐘，導演就收貨喇。

前一秒 Sammi先 down到痹，但下一秒就非常熱情，猛咁向媽咪姐 sell新歌：「呢首歌係講抑鬱症，我自己患過呢個病，所以入玻璃箱，想表達呢個病嗰種受困嘅感覺。」

有人話自信嘅女人美麗，但媽咪姐就話，能夠克服陰霾再用過來人身份同大家分享嘅人，更加美麗。

出嚟開心曬

拍完 MV， Sammi抽離角色，傷心即時變番開心，仲捉住媽咪姐係咁講，成隻開籠雀咁！

天後駕到

家吓 Sammi冇咗份霸氣，不過依然有朕天後「除」，好似當日佢一落車就大踏步行去拍攝現場，經理人郭啟華發力追都追唔切。

玻璃箱愁爆

Sammi喺人來人往嘅中環港鐵站拍 MV，其間佢好快入戲，一臉愁默默，完全表達到嗰種憂鬱感。

鍾意就快D Share啦！

下一篇 》