掃呢頁CODE去手機

2014年1月9日 星期四

[壹週刊 1244] 強片之下 林海峰亂嚟薛凱琪 薛凱琪,M1,




為了有好的效果, Fiona不介意作多方面嘗試,與鄭中基及林海峰做出多個三級動作,表現輕鬆。

探熱針

強片之下 林海峰亂嚟薛凱琪

今年賀歲多戲揀!包括 3D電影《大鬧天宮》、發哥霆鋒初合作的《澳門風雲》和眾星拱照吳君如的《金雞 SSS》,全部大星壓陣!

堅持賀歲的黃百鳴,今年只靠曾志偉、吳君如、鄭中基、薛凱琪分一杯羮,為免輸人又輸陣,導演穀德昭精心炮製一幕動作三級瑜伽戲,並親自落嘴頭,氹掂林海峰上陣,對薛凱琪亂咁嚟!

志偉扮朝偉

年年同黃百鳴鬥賀歲票房的曾志偉,今年化敵為友,夥拍吳君如、鄭中基、薛凱琪合作穀德昭執導的《六福喜事》,喜劇陣容,但聲勢始終較其他同檔強配電影遜色。

輸人都唔輸陣,導演穀德昭要曾志偉扮《一代宗師》同扮星級陪月的隱世高人吳君如過招搞笑。

「我真係有參考過《一代宗師》梁朝偉嘅打扮,百鳴搵得我,角色都交曬俾佢同導演,佢哋要我做乜就做乜,好朋友冇所謂啦!」曾志偉說。

唧人笑比唧人喊更難,拍攝期間,鄭中基、曾志偉與吳君如都齊齊掟橋,集體俾意見,希望砌到有咁好笑得咁好笑。

「個個演員都好幫手,拍得好順利,唯一係薛凱琪做瑜伽嗰場戲,導演要搵個啱嘅對手同 Fiona一齊做,但出嚟嘅效果係想搞笑而唔猥瑣,試咗好幾個都唔 OK;其實佢最想係搵林海峰,但『軟硬』要彩排演唱會,導演驚阿 Jan唔應承。」一名劇組人員說。

忙於籌備演唱會的林海峰唧出空檔幫穀德昭客串一角,夠曬義氣。

瑜伽動作設計似足性愛姿勢,要拍到樂而不淫,林海峰做得到。

拍搞笑片,但現場一絲不苟,穀德昭不時在旁認真指導。

曾志偉扮葉問梁朝偉,與隱世高手吳君如過招,再夾個鄭中基製造笑料。

黃百鳴又扮女人,對手又是吳君如……

幾乎爛尾

電影接近煞科,劇組依然未搵到適合人選與薛凱琪拍該場瑜伽戲,穀德昭唯有硬住頭皮,親自打電話給林海峰求救。

「阿穀一心諗住食硬檸檬,點知一打俾阿 Jan講咗個故事同嗰場戲係點拍,佢話好笑好玩一口就應承,仲好快俾埋個期導演,咁先唔使爛尾!拍嗰陣因為 Fiona同林海峰都識亦好信佢,所以就算啲動作有啲三級 feel,佢哋都好快就滿足到導演嘅要求,效果好好,笑到大家肚痛咁滯!」一名工作人員說。

王晶找來周潤發配謝霆鋒演出《澳門風雲》,發哥同吳君如一樣,今個賀歲起雙飛。

影帝加上一班女星撐場的《金雞 SSS》,絕對是群星拱照吳君如。



鍾意就快D Share啦!