掃呢頁CODE去手機

2014年1月21日 星期二

穀新戲自認韓國人 成龍衰多口 成龍,

video


馮仁昭四圍超:穀新戲自認韓國人 成龍衰多口 - 馮仁昭

成龍自認韓國人 被鬧冇腦牆頭草

為咗唔做票房毒藥,可以去到幾盡?身為香港人嘅成龍,為咗幫新戲《警察故事2013》穀票房,日前佢到南韓宣傳時,竟然厚住臉皮自認半個韓國人,結果俾網民鬧爆佢係牆頭草、不要臉、這一切都是為了要救票房啊!



■成龍新戲《警察故事2013》喺香港首日票房得20萬,認真慘淡。劇照

港票房慘淡

諸多解釋嘅成龍話自己喺最艱難嘅時候,受到好多南韓幫助,每次諗起呢啲事,心裏面就充滿感謝喎,所以佢唔只話自己係半個韓國人,仲話韓國係佢另一個家,甚至口甜舌滑冧韓女:「有個影迷親手做咗可愛嘅餅乾畀我,我收到時真係好興奮,我真係好幸運咁多年得到全球影迷嘅支持、鼓勵,我時時刻刻都感受到佢哋嘅愛,我只有努力拍好電影送畀大家做禮物。」



■日前成龍到南韓宣傳時自認半個南韓人,俾網民狂轟「不要臉」。

微博圖片

雖然未知《警》喺南韓收唔收得,但香港首日票房就只得20萬,截至前日票房都只係得97萬,認真慘淡!其實成龍已經唔係第一次失言,之前因講「中國人是需要管的」、「我會想看到部份國家出現災難,像是大海嘯、或者是大地震」,已經不停俾人狠批,估唔到佢依然重蹈覆轍。

撰文:馮仁昭



鍾意就快D Share啦!