熱爆娛樂: 變晒樣　彭浩翔新戲露三點　沙灘裸女整容大起底 [FACE - 422] 彭浩翔,整容,MF, #廖子妤, #郭奕芯,#麥芷誼

2015年6月24日星期三

變晒樣　彭浩翔新戲露三點　沙灘裸女整容大起底 [FACE - 422] 彭浩翔,整容,MF, #廖子妤, #郭奕芯,#麥芷誼

郭奕芯（ Ashina）、廖子妤同麥芷誼

《同班同學》上週四（ 18日）喺大嶼山長沙海灘拍全裸戲，郭奕芯、麥芷誼同廖子妤齊齊剝光豬，三點盡露都毫無避忌。

真面目

變晒樣　彭浩翔新戲露三點　沙灘裸女整容大起底

彭浩翔監製嘅三級片《同班同學》有大量裸露鏡頭，剛剛就拍咗 3個女主角全裸沙灘戲，三位新人郭奕芯（ Ashina）、廖子妤同麥芷誼（ Koyi）剝光豬三點盡露追逐嬉水好繽紛。

其中 Ashina雖然只得 19歲，但 14歲時已好恨入行，當年她參加雜誌嘅校花選舉時樣貌同𠵱家極大分別，面圓、扁鼻跟𠵱家面尖、間尺鼻簡直兩個人，執靚個樣又剝盡， Ashina好恨做明星喎。

由彭浩翔監製、陸以心導演嘅《同班同學》上週四（ 18日）喺大嶼山長沙海灘拍外景，中午時份， Ashina、廖子妤及 Koyi分別着上女僕裝喺海邊拍攝嬉水戲份。凌晨一點左右，工作人員視察完海灘四周冇人之後，便開始拍攝 3女全裸戲， 3女手拿煙花，一邊跑向海邊一邊單手除衫，直至脫光所有衣服之後再又跳又叫，近 10名男工作人員一直追隨拍攝，只見 3女一啲都冇尷尬，露三點一齊奔放四圍跑。

去年 Ashina被影到同亞視前高層盛品儒喺灣仔當街啜攬摸，差啲累盛品儒同女友蔡一鳳分手，事後盛品儒解釋只係為互聯網搵 game girl。《蘋果日報》圖片

Ashina 4月至講過唔拍露點戲，但突然又拍，彭浩翔真係有面喇！網上圖片

「個胸係真嘅！」

其中裸女郭奕芯首次拍露點戲，早前同王宗堯演《壹獄壹世界》雖然有全裸床戲，但堅持三點不露，今次係一大突破。郭奕芯原名郭嘉銘， 14歲時參加當時「 Yes!!全港校花校草選舉 2009」，當時喺拉票宣傳片中，仍然臉圓圓兼扁鼻，跟𠵱家一雙大眼、間尺鼻同 V面，變化非常明顯。

Ashina整容後曾改名郭思嵐（ Gabby），接拍電影後又改名郭奕芯，面貌同身份多過特務，而 Ashina回應時亦冇迴避，直認 13年整過容：「我貪靚，鼻同下巴打過針，我想鼻高啲，下巴尖啲，眼同個胸係真嘅！」她認為整容後自信心大增：「我心理上比以前好，不過適可而止身體其他位都唔會整，唯一只想減肥。我認得整容，唔介意人哋眼光，我控制唔到。」而監製彭浩翔因身在日本，截稿前未有回覆。