掃呢頁CODE去手機

2014年4月24日 星期四

[壹週刊 1259] 驚蝕入肉 周慧敏演唱會泡湯 周慧敏,M1,




周慧敏於九七年宣布退出娛樂圈,近年她慢慢重返舞台,一二年開始為她的《 Journey of Love世界巡迴演唱會》演出。

探熱針

驚蝕入肉 周慧敏演唱會泡湯

周慧敏去年宣布自組經理人公司,全方位管理個人演藝事業之餘,更計劃先與英皇合作推出福音大碟,繼而舉行至少兩場演唱會。有曬全盤計劃,可惜今年本土演唱會票房差強人意,搵贊助商泵水更加唔容易,唔想倒貼開騷,周慧敏決定暫緩個唱計劃,並四圍搵人接手紅館檔期。











無人接貨

Vivian雄心壯志,身為老公的倪震自然出手相助,有傳「開屏」才子會為 Vivian的新碟歌曲填詞。

據知,周慧敏早於去年已入紙紅館,並成功申請到八月十八日至二十五日的暑假檔期準備開騷。「阿 V呢幾年不斷試水溫,又會做海外巡迴,發覺自己仍叫好叫座,加上佢做咗基督徒,眼見教友 Sammi出福音碟咁成功,開騷又場場爆,搞到阿 V都雄心壯志,想照辦煮碗學 Sammi。」

雖然有曬計劃,但今年香港演唱會票房一場差過一場,即使是殿堂級的徐小鳳,早前的六場個唱,捱到開騷前一刻才賣曬飛。觀眾錢唔易賺,搵演唱會贊助商更加難上加難,周慧敏思前想後,最終打消開騷念頭。「聽講阿 V嗰邊個幾月前已經將八月個期攞番出嚟,睇嚇有冇人要,但到而家仲未有人肯接,可想而知個市幾差啦。」知情人士說。

基仔幫到盡

雖然開唔成演唱會,但同周慧敏分屬老友的古巨基,一直在背後落力支持,除讓出得力助手兼女友 Lorraine,瞓身幫周慧敏成立「 V Vision Workshop」經理人公司,與英皇合作推出福音碟,同樣由基仔一手撮合。

幫老友幫到底,近日基仔為內地新劇《碧海雄心》作曲,最終搵埋周慧敏合唱。「基仔原本諗好曬,幫阿 V做演唱會嘉賓,再唱埋首新合唱歌,點知而家開唔成騷,但會照樣幫阿 V做福音碟監製,到時兩個都會孖住做宣傳谷碟。」知情者說。

古巨基對老友全面復出瞓身支持,不單拍心口為 Vivian監製福音碟,早前更孖住到北京宣傳二人合唱的劇集《碧海雄心》主題曲。

與鄭秀文老友鬼鬼的周慧敏,眼見老友的福音碟大賣,立即興起推出福音碟的念頭。

周慧敏於三年前開兩場紀念出道廿五年的演唱會時,食正樂迷回味那些年條水,出現搶飛潮。

一一年紀念演唱會叫好叫座,連帶演唱會 DVD也賣得唔錯。

眼見有李克勤等歌手力撐的伍樂城演唱會都銷情麻麻,令周慧敏打退堂鼓。

除了忙事業,周慧敏亦身體力行做善事,特別關注世界各地的貧困童及小動物權益。

開到未必好

湯記一二年在紅館開紀念出道二十年演唱會,結果入座率得七成。

做得歌手,個個都想有生之年響紅館開演唱會,但四面台,一萬二千座位,冇番咁上下叫座力,分分鐘出現「櫈海」。難怪周慧敏亦唔敢輕舉妄動,即使最終無人肯承接檔期,只要繳交每日五千八百元場租便可。

2012年尾,湯寶如便硬啃 Sammi聖誕檔期開騷,結果開三面台、送埋飛都坐唔滿,其間更因為準備開騷壓力爆燈,攞苦嚟辛。



鍾意就快D Share啦!