2014年4月24日 星期四

[壹週刊 1259] 憑歌寄意 許冠傑鋪路唔唱 許冠傑,M1,




向來甚少說話的阿 Sam,揀唱 92年告別唱過的《急流勇退》,充滿弦外之音。

探熱針

憑歌寄意 許冠傑鋪路唔唱

○四年,許冠傑復出舉行演唱會,打算東山再起,但兩年前受到三哥許冠英心臟病突然離世打擊,令阿 Sam感慨世事無常,為更珍惜與家人相處時間,再萌生退出念頭。去年籌備舉行《 The Wonderful World》演唱會已有心鋪路唔唱,故在今次演唱會尾聲,揀了九二年為告別樂壇而寫、廿二年未曾公開獻唱的《急流勇退》,向歌迷暗示,有意再次重過自由生活。











難以釋懷

每次阿 Sam許冠傑開騷,定必獻唱為歌迷而寫的作品《珍惜》,但今次一連三場的《 The Wonderful World》演唱會,阿 Sam竟然棄唱,取而代之是九二年為告別樂壇而寫、廿二年來未曾唱過的《急流勇退》。

原來自從兄長許冠英突然離世,至今阿 Sam仍未能完全釋懷,甚至萌生退出念頭。

「兩年前,阿英毫無先兆咁走咗,對阿 Sam打擊好大,令佢更加珍惜同家人相處嘅時間,想再享受自由自在嘅生活。雖然阿 Sam有呢個諗法,但佢唔敢面對歌迷講,所以先喺演唱會度唱《急流勇退》,用另一個方式表達佢心情。」阿 Sam友人說。

阿 Sam以《每當變幻時》悼念兄長許冠英,提起對方,聲音已經哽咽!

細仔許懷谷老婆 Ida,都有上台唱歌。

唱到喊

今次演唱會命名「世界多美好」,宣揚親情的重要性,除了兩個仔上台父子兵 jam歌,就連細新抱 Ida都上埋台。

「 Ida以前唱過酒廊,歌藝唔錯,至於搵欣宜做嘉賓,係因為阿 Sam好鍾意佢《愛•回家》首主題曲《擁抱愛》,正好反映到阿 Sam而家嘅心情,喺彩排嘅時候,阿 Sam聽到歌詞,已經忍唔住喊。」知情者說。

事實上,一班心水清的歌迷,知道偶像憑歌寄意暗示唔唱,已紛紛去信要求阿 Sam三思,為見多偶像幾面,稍後到美加、澳洲、新加坡及內地的巡迴演出,歌迷已開始著手撲飛。

被欣宜的「愛•回家」主題曲感動,阿 Sam在彩排已經眼濕濕。

04年在復出演唱會擔任豹紋小姐的官恩娜,今次再被邀做嘉賓。

衝過保安防線,有女歌迷跳上台攬住阿 Sam嘴,一度混亂。



與歌迷不停互動,一到點唱時間,歌迷已攞出歌詞引阿 Sam。

每日三時到紅館彩排,半百歌迷已逼在紅館外圍,只為與他握嚇手。



鍾意就快D Share啦!