謝婷婷曬素顏運動照 石詠莉自嘲係懶豬
2014-04-14 21:16:00
兩個靚女都喺今日做運動。(微博圖片)
好多藝人都有做運動嘅習慣，好似鄭秀文﹑徐濠縈及陳山聰等，都周不時喺微博曬跑步照。而今日喺微博上，就見到謝婷婷同石詠莉，都有做運動。
相中婷婷以素顏示人，佢留言話：「星期一鍛練中。」唔知練緊乜呢？婷婷天生麗質，睇佢嘅基因就知，哥哥謝霆鋒同爸爸四哥謝賢，都咁有型靚仔，婷婷都當然係靚人一族唔少網民都留言讚婷婷素顏好靚。
至於石詠莉就自嘲懶豬一名，因為佢好耐都冇做運動，仲貼咗張只得半個樣嘅自拍照，佢話：「懶惰的豬，到底有多久沒做運動？？！！都忘了，用汗水補救吧！」
另外，人妻關心妍（Jade）今晚都不約而同貼運動照，佢話：「見到錏（啞）鈴就已經好累，但為了健康，練氣和保持身段真的不能懶惰！400下sit-up又嚟。」
婷婷身材咁好，睇嚟都係靠做運動keep fit。(微博圖片)
呢張素顏相都見得人喎。(微博圖片)
(微博圖片)
石詠莉就半張臉。(微博圖片)
關心妍曬運動照。 (微博圖片)
|
鍾意就快D Share啦！
|
|
|
