黎瑞恩婚變攜子赴英？ 王馨平緊張連聲話：應該唔係
2014-04-15 20:14:00
之前一直有傳黎瑞恩攜小朋友到英國留學，冇眼睇老公，但其好友王馨平連聲否認。
王馨平、恒生新抱何倍倩同趙金卿等今晚到中環出席服裝品牌St.John開幕，王馨平穿上贊助嘅火紅色連身裙現身，高雅迷人，佢笑道：「平時打開衣櫃都係黑色，見到紅色好開心。」
最近忙做音樂籌備新碟嘅王韾平，透露除有部份是新歌外，仲會翻唱別人的歌。至於會否重新演繹自己嘅舊歌？佢話：「自己嗰啲暫時唔考慮，其實2011年出過發燒碟，今次都係發燒碟，普通碟喺市場上好難賣，依家歌手都朝呢個方向。」
有傳好友黎瑞恩因婚變會離開香港，帶子女到英國求學，王馨平聞言即連聲謂:「應該唔係，應該唔係，應該唔係。」又話:「佢冇去英國，我哋間中有聯絡問候，佢依家幾好。」
王馨平今晚艷光四射，佢笑道：「平時打開衣櫃都係黑色，見到紅色好開心。」
恒生新抱何倍倩
梁漢文太太Karen
|
鍾意就快D Share啦！
|
|
|
