2014年4月16日 星期三

[FACE 360] 鍾嘉欣生日掃超市 鍾嘉欣,MF,




FBI上前同嘉欣講生日快樂,佢好怕醜咁講咗句多謝,之後就叫 FBI唔好影相,因為佢冇化妝喎,仲即刻放低手上嘅大樽裝橙汁。

FBI

鍾嘉欣生日掃超市

上週三( 9日)下晝四點幾, FBI喺將軍澳某超市入貨,行行嚇撞到當日 30歲生日嘅鍾嘉欣!當日嘉欣 BB戴住眼鏡、冇化妝,不斷睇緊啲生果、麥皮等健康食品。 FBI醒起佢生日,當然走上去恭喜佢,點知嘉欣 BB講完句多謝之後就話:「哎吔,唔好影我啦,我冇化妝嘛……咁樣好肉酸㗎。我買完嘢走㗎喇, bye bye!」

呢頭趕返屋企,原來係為咗扮靚靚去夜晚嘅生日會!嘉欣 BB當晚約埋一班藝員朋友,胡杏兒同楊思琦等去咗大坑一間餐廳開生日 P,同場當然唔少得男友伍允龍啦。由 8點幾玩到淩晨 2點至走,向來唔多出夜街嘅嘉欣 BB真係夠曬盡興,不過聽講全場都冇酒精飲品,清純嘉欣開生日 P都清純過人。

30大壽

入行 10年,嘉欣 BB已經度過咗 30歲大壽, TVB年輕花旦真係買少見少。

慳妹嘉欣生日當日都去超市掃生果,仲識得自備環保袋,而且仲好識格價,揀生果都要左揀右揀,揀至平至抵先買。

男友黐實

嘉欣 BB嘅好朋友,包括李亞男、楊思琦同安志傑等通通到曬,更重要就係有伍允龍喺度。其實佢兩個拍拖已經係公開嘅秘密,出年應該 po張手拖手相上微博啦。



鍾意就快D Share啦!
Related Posts Plugin for WordPress, Blogger...