掃呢頁CODE去手機

2014年4月16日 星期三

[FACE 360] 周身傷 父撤破產令 還清 750萬 捱殘又南睇骨科名醫 又南,MF,




上週三( 9日),趁住有空檔,又南即到醫療中心覆診,不過心情唔錯,果然無債一身輕。

真面目

周身傷 父撤破產令 還清 750萬 捱殘又南睇骨科名醫

12年,黃又南和徐天佑重組 Shine後,演唱會、電影樣樣齊,最近兩子演出的話題電影《那夜淩晨,我坐上了旺角開往大埔的紅 van》上映,人氣翻熱。

曾孭起 750萬父債的黃又南,去年終於還清所有債務,其父亦於 10年成功解除破產令。無債一身輕,早年捱到周身傷嘅又南,終於有時間執番正副偈,原來尾龍骨和鎖骨出現移位,搞到要去陳方安生細佬方津生骨科名醫尋求醫治。又南,頭家靠曬你㗎!頂住呀!



其他影片: >>又南名醫打救










03年,又南的父親黃文藻向銀行借下巨款,為當時的印刷工廠周轉,隨後無力支撐宣布破產,而作為擔保人的又南,當時才 20歲就孭起條數,為求盡快還清,就算身體出現問題,又南都一於懶理,咩戲都接,打戲更加唔用替身。

位於中環的方津生醫療中心,在骨科界享負盛名,方津生亦是陳方安生的胞弟。

破產管理署的文件顯示,又南父親在 10年 1月已經解除破產令,父債已清,但又南身體就頻響警號,急需醫治。

「我孭起頭家!」

11年,又南更在北京出席電影記者會期間,因疲勞過度而暈低。上週三( 9日),又南揸車去到由陳方安生細佬方津生打骰的中環骨科診所,似是醫治過往拍戲帶來的舊患。週一又南對本刊說︰「之前拍打戲太唔錫身喇,尤其是拍《花花型警》同陳坤打嗰場,整傷咗尾龍骨,鎖骨又出現移位。」

至於其父向銀行借的 700萬,原來又南已於 09年還清,翌年父親亦解除破產令,當時還餘下大約 50萬街數。電話訪問中,又南再三澄清父親從來沒有欠下賭債,他說︰「其實好擔心老豆睇完會唔開心,仲叫阿媽收埋啲報紙雜誌,老豆的確係因生意出咗問題問銀行借錢,但從未試過欠賭債,當時借錢係我做擔保,我喺 09年已經還清接近 700萬,只剩番幾十萬街數!(有冇圈中人幫手?)我唔多圈內朋友,呢幾十萬真係要多謝我啲舊同學,上年亦已經還曬,我老豆亦都退咗休,𠵱家我同家姐兩個孭起頭家。」

10年,又南出席《打擂台》電影講座時才交代父親生意出現問題,更替父孭起還債的重任。《蘋果日報》圖片

早年又南因為孭起 750萬債務,要頻頻撲水還債, 11年仲喺北京出席電影記者會期間,因疲勞過度而暈低,當時身形明顯較現時瘦削。《蘋果日報》圖片

又南睇完醫生,揸車到附近商場買咗杯咖啡,之後再慢條斯理返回租住的太古城住所。

為還債,又南戲接戲搏到盡, 08年拍攝《花花型警》傷及尾龍骨,鎖骨又出現移位,真係周身傷。《蘋果日報》圖片

又南:見到塊面都嚇親

短短 8年可以還清巨債,又南真係捱到殘,近年更出現皮膚敏感,但都要頂硬上到澳洲拍攝旅遊特輯,點知一輪日曬雨淋下,皮膚情況變得更加嚴重,連日的《紅 van》宣傳活動,又南都用厚粉遮去敏感斑點。又南說︰「已經好咗好多,我見到自己塊面都嚇親,呢排唔敢再曬住。」

啱啱拍完澳洲特輯返嚟嘅又南,因為曝曬令皮膚更差,成塊面一笪笪,要靠厚粉遮掩。

《紅 van》 4日收 866萬多負評

陳果(小圖)執導的《那夜淩晨,我坐上了旺角開往大埔的紅 van》,未上先轟動,不過唔少網民睇完畀負評,個個都嫌同原著太大出入,後半部拖長來做,不過愈多人鬧就愈多人睇,票房 4日就 866萬(截至週日),睇錢份上,有幾多負評都唔驚

12年,又南和天佑重組 Shine,兩人又孖住演出《那夜淩晨,我坐上了旺角開往大埔的紅 van》,套戲掀起唔少話題。

《紅 van》 4日票房高收 866萬,不過網上評語有正有負,負評仲係佔大多數,但就愈鬧愈多人睇。

不少網民圍插《紅 van》同原著太大分別,電影下半部分的情節拖太長, MK仔被眾人輪捅一幕更拖長來拍。



鍾意就快D Share啦!